الثلاثاء، 24 سبتمبر 2013

زيـَــك أنا





زيَـك أنا 

مقسومة ما بين شطين 

ساعات ببعد

وساعات يجيبني حنين 

وأوقات بحس إننا شمس وقمر 

ضدين مكتوبلهم ميلتقوش 

تايهين ما بين كل الوشوش

وساعات بحس إنك أنا 

وأدوق معاك طعم الهنا 

ف البعاد وانت غريب 

أو في الكلام وانت قريب 

بتحس بيا .. تضمني 

يا شوق محتاجاله يلمني 

زيَـك أنا 

وغنواية انت في خطوتي

ضلاية انت في سكتي 

لحني الحزين في وحدتي 

أملي اللي لسه منلتهوش


فرحي اللي لسه مشفتهوش

م الأخر إنت في دنيتي 

  حبي اللي لسه معشتهوش

هناك 3 تعليقات:

  1. بجد تحفة والموسيقى فيها تجنن

    تحياتى... انسانة

    ردحذف
  2. بس في حاجة مش قادة ماضحكش بتقول

    م الأخر إنت في دنيتي
    حبي اللي لسه معشتهوش
    ههههههههه طيب وفين ليلى وحب ليلى
    دعابة اوعى تزعل وهى ليست للنشر

    بس بجد والله تحفة وجميلة جدا
    تقبل تحياتى

    ردحذف
  3. وساعات بحس إنك أنا

    وأدوق معاك طعم الهنا
    /
    /
    /
    /
    لامستني من الداخل

    ردحذف

مرحبا بكم دائما