الاثنين، 23 سبتمبر، 2013

أنا عاشق





بحبَك حس جوايا 


بحبَك نسمة لهوايا 


بحبَك يا حياة قلبي 


وطيفـَك أرضي وسمايا


وضحكة بين رموش العين 


بحبَك صدر يحميني 


وكف حنين


بحبَك موجة بتعدي 


وتقطف من ورود خدي


بحبك لما بتقوللي 


معاي رُدي


كلام بالمية والمليون 


وهاتي ايديكي معاي عـِـــدي


أولهم حبيبتي وبعدك إنتي مليش


تانيهم تعشقك روحي 


وصبحت في دنيتي درويش 


تالتهم حلم جوايا 


ينادي لعنيكي متخبيش


رابعهم بأغنيلك 


وأدندن في مواويلك 


بلاد الشوق متسمعنيش 


خامسهم فيا موجودة 


سادسهم بأحتمي فيكي 


كأنك ليا مولودة 


سابعهم يا حلم بيندهلي 


عنيكي دنيتي وأهلي 


وتامنهم دبلة فوق الإيد 


تخلي ليلي كله سعيد 


تاسعهم بحبك لحن يدفيني 


ويداري في رمش العين


يكفيني 


وحضنك ضمه يحييني


وعاشرهم 


أنا العاشق لباب دراك 


شايلك بين سنيني الحب


ومتسلسل ف أفكارك


أنا حلمك واصرارك


أنا عطشك وصبارك 


أنا لو الشمس يوم ضاعت 


أجرجر ليلي في نهارك

____________



انا عاشق 


أحمد الصعيدي

ليست هناك تعليقات: