الأربعاء، 9 يونيو 2010

رسالة لغير معرف

أخوتي وأخواتي المدونين لم ولن أرسل طلب إضافة عل الميل الخاص بي
.
إلا عن طريق الايميل الموجود بملف التعريف في مدونتي ولا أرسل تعليق
.
بغير معرف في أي من المدونات وذلك لأن هناك شخص يتربص بي أنا شخصيا
.
أعتبره (ناموسة) لن يضر وقد ينفع يحاول تشويه صورتي التي أعلم أنكم
.
تقدرونها
.
مثلما أقدركم تماما
.
أما أنت يا غير معرف أكررها ثانية أتمني لو أتحاور معك بكل احترام وأدب
.
علنا نكون أصدقاء وذاك ما أتمناه
.
وأولا وأخيرا أشكرك كثيرا ولتعلم أنك ان تطال مني ولتعلم أيضا أنه ليس عندي
.
ما أخشاه فسيرتي في المدونات وبين الناس ناصعة والحمد لله
.
وأتمني لو تكون أخي وصديقي ليس خوفا منك ولكن بسماحة الاسلام الحنيف
.
شكرا لكم جميعا

هناك 15 تعليقًا:

  1. أستاذ أحمد

    ولا يهمك من أى حد إنتا كده عملت الا عليك وزياده شويتين مع الغير معرف

    وسمعتك ومكانتك هتفضل عندنا زى ما هى بل هتذيد للأحسن


    لأن حضرتك حقيقى حد كويس جدا وراجل فى منتهى الأحترام والاخلاق

    ردحذف
  2. نسيت اقلك حاجه

    مادام فى تعليقات بتيجى تضايقك اوى كده اعمل اشراف على التعليقات

    تحياتى ياأستاذ أحمد

    ردحذف
  3. شكرا داليا


    أنا مش بغلط في حد وكمان مش بحب حد يغلط فيا ومش عارف في إيه أنا مليش سيئة مع أي حد في المدونات وبحترم الناس كلها

    عموما شكر لذوقك ولمجاملتك الرقيقة

    المشكلة اني مشغول جدا ومش فاضي للمهاترات الغبية دي

    ردحذف
  4. جاء أحد الأشخاص الناجحين الي أحد الحكماء شاكيا
    وحاملا اليه عشرات المقالات التي تهاجمه طالباً منه المشورة في الرد

    قال له الحكيم :
    افترش هذه المقالات وانظر مساحة رقعتك عن الأرض
    وأكمل الحكيم قوله :
    ان كل إضافة من النقد والشتم توجه اليك تعني أنك تعلو
    أنك شئ مهم كبير
    يملأ الأسماع
    ويهز الأقلام
    ويحرك الأحقاد

    فقال بعد ان سمع كلام الحكيم :
    من صدقهم لو صدقوا سنستفيد
    ومن كذبهم وزيفهم وماأكثره
    سوف يكون لنا منطق الرد
    رد الأقوياء العقلاء الواثقين من كل تصرفاتهم

    تحياتي

    ردحذف
  5. السلام عليكم

    استاذ أحمد زى ماقالت داليا لحضرتك
    سمعتك ومكانتك هتفضل زى ماهى

    لان بجد حضرتك انسان محترم وعمرى ما شفت لحضرتك تعليق لا يليق الا بشخصيتك الكريمه

    وانا من الناس اللى بجد بتكون مبسوطه لما تلاقى تعليق حضرتك فى المدونه

    فى ناس كتير نفوسهم مريضه فلا تهتم لما يفعلون او يقولون

    تحياتى واحترامى

    ردحذف
  6. في ناس كتير جدا في عالم التدوين بتئذي من غير سبب منطقي او حتي غير منطقي نصيحتي طنش وطنش وطنش
    الناس كلها عارفه انت مين واللي يصدق غير معرف يبقي غلطته مش غلطتك وعموما اللي يعمل كده مظنش في امل من الكلام معاه سواء كويس او وحش

    ودي

    ردحذف
  7. السلام عليكم

    أفعل ياابن أدم كيفما تشاء فكما تدين تدان
    لاتبالى أحقاد الغير

    ردحذف
  8. من كل بستان زهرة


    لديك الدليل

    من قول الحكيم ومما قصصت علي

    أشكر لك شعورك

    ردحذف
  9. الحب الجميل

    أختي الفاضلة ماكان ذاك إلاأنك قدر الاحترام الذي تحوذين عليه

    لك مني كل الاحترام والتقدير لشعورك الطيب

    ردحذف
  10. حنان الشافعي


    أنا نصيحتك دي فعلا هأخذ بيها لأن محش يستاهل لكن بأختلف معاكي أنه ممكن يكون كويس في يوم من الايام


    ربنا يهدي الجميع

    ردحذف
  11. ليلة شتاء

    لك كل الحق

    ومني التقدير والاحترام

    ردحذف
  12. السلام عليكم ورحمه الله وبركاته

    ازيك ياستاذ احمد قولي مين مضايقك وانا ادعيلك عليه
    انت انسان محترم وكلنا عارفينك ومحدش شاف منك حاجه وحشه ومحدش هيصدق فيك اي حاجه
    انا بقول ده وانا مش فاهمه ايه الحكايه
    بس الي فهمته ان في حد متربص بيك
    فربنا يهديه ويهدي الجميع ومتحطش في بالك وروق
    ربنا يسعدك

    ردحذف
  13. لاتهتم للامر انا عانيت من الامر مرة تدخلت بتعليق في مدونة كان صاحبها يتلقى شتائم فتوجهت لصاحب التعليق طلبت منه ان يحترم على الاقل قراء المدونة لافاجئ به قد اخذ عناء فتح مدونتي ووجه لي سيلا من الشتائم ماأنزل الله بها من سلطان
    انت تستطيع كحل اولي ان تختار خاصية الاشراف على التعليقات وهكذا ستمارس رقابة ذاتية وتمنع اي تعليقات خارجة من النشر عندك اما التعليقات عند الاخرين فالذي يعرفك جيدا لن يؤثر فيه ما ينقل له عنك
    تحياتي وودي

    ردحذف
  14. الغير معرف ده ربنا يهديه يا احمد ويبعده عننا كلنا دى حاجة بقت تقريبا عادية جدا بتحصل مع ناس كتير بس انت تجاهل الموضوع كله لانه لو كان قادر يظهر بشخصه كان ظهر لكنه بيتخفى ورا ستار مجهول زيه بالظبط

    ردحذف
  15. ههههههههه.. كبريااحمددي ناس تافهة وفاضيه واقل من انك تردحتي..تلاقيهاواحدةمعجبة ياعم وبتستظرف. تحياتي ليك

    ردحذف

مرحبا بكم دائما