الأربعاء، 2 يونيو، 2010

شـــــوق وإســــــورة



البدن يرجع لأصله

طين وماء

يكره الكدب

ويرفض أشكال النفاق

يحضن الناس الطيبين

ويزرع الخير في السنين

تحت لافتات الحياء

يسكن أعالي القصور

اللي في حلمه بانيها

يفرش حواري البلاد

ويسكن حواشيها

يا شمس يا منورة

لمي هلاهيلك

جايلك صبي طاهر

م المر يشكيلك

كفكفي دموعه الصغار

هاتي مناديلك

وإغزلي شوقه إسورة

تملا خلاخيلك

وازرعي في حياته الحب

لا يعرف طريق الأذي

ولا في يوم هيطب

اسقي عمره الوليد

خلي شبابه يشب

نسيه وهم الخدود

والقوام والعود

والحلم اللي مش موجود

وأمانة عليكي يا شمس

ودي الخبر لفلان

وقوليله فلان اللي حبك

بيسلم عليك يا فلان

ولو فلان نكرني

ونسي عهده

قوليله يا شمس

هأرتاح أنا في بعده

وشبابي مش هيضيع

ولا هأنتهي بعده

هناك تعليق واحد:

ليله شتاء يقول...

السلام عليكم ورحمة الله وبركاته


البدن يرجع أصله الى طين وماء"

تعبير رائع جدااا
من تواضع لله رفعه
أغنية على الحجار جميلة جداا


دام قلمك