الأربعاء، 9 يونيو، 2010

اللي باقي نكمله


أمر م الصبر صبري علي اللي


مر الصبح لم جاني


وفي بعده عني ياليل


قطر الصباح ع البعد عداني


وصورته لم غايبة عن عيني


وصوته غنا زي اللحن في وداني


أشرب من كاس الأسي وأنعي


ع الرصيف قاعد أنا وسمعي


وعزوتي في الهم وحداني


يا شوق ريحك نيبان و براوي

هجر الحبيب يجرح ولا يداوي


الليل ناداني وقاللي


زي ما كل يوم بيقول


مهما الزمان يقصر


ومهما البعاد هيطول


يا زارع العشق علي جبينك


وتحت باب الدار


يا شايل الهم بكفينك


زي غنا الكفار


يا شباك بطعم الهوا


ونهار بلون الضو


يا بحر مرصوف بلاط


ولا فيش في موجه نو


يا نجم فوق التراب


يمسح دموع الجو


يدور الــــزمان ع الحب وينـــــده لأحبـــابه

يفتح شوارعه جناين ويـــوسع أبوابــــــه

تفرح بنوره الـــديار ويغنــــي أصحـــابه

مهما جفـــــانا الحب وداس علــــي قلوبنا

معروف بأنه ياناس مـــا يخونش أحبابـه

هناك 8 تعليقات:

الحب الجميل يقول...

السلام عليكم

ما أحلى هذه الكلمات اللى باقى نكمله

يا شباك بطعم الهوا
ونهار بلون الضو
يا بحر مرصوف بلاط
ولا فيش في موجه نو
يا نجم فوق التراب
يمسح دموع الجو

**************

مهما جفانا الحب وداس علــــي قلوبنا
معروف بأنه ياناس مـــا يخونش أحبابـه

دمت متألق بكلماتك دائما
الصوره جميله اوى

تحياتى

فضفضه يقول...

جميله اوى كلماتك
ربنا يوفقك

promise is promise يقول...

يدور الــــزمان ع الحب وينـــــده لأحبـــابه

يفتح شوارعه جناين ويـــوسع أبوابــــــه

تفرح بنوره الـــديار ويغنــــي أصحـــابه

مهما جفـــــانا الحب وداس علــــي قلوبنا

معروف بأنه ياناس مـــا يخونش أحبابـه



تمام جدا
ازى اغانى الكفار؟
الابيات اللى فوق ما فهمتهاش كلها اما الجزئيه دى فتحفه

دمت مبدعا

(ست* جنى* الحسن) يقول...

سلامو عليكو..
الله ينور.بجد حلو اوى خصوصا الجزء الاخير.
برجاء زيارة مدونة جنة وتحميل فيديو(رحلة جنيه)
لك تحياتى

richardCatheart يقول...

جمييييييييييييل يا استاذ




يدور الــــزمان ع الحب وينـــــده لأحبـــابه

يفتح شوارعه جناين ويـــوسع أبوابــــــه

تفرح بنوره الـــديار ويغنــــي أصحـــابه

مهما جفـــــانا الحب وداس علــــي قلوبنا

معروف بأنه ياناس مـــا يخونش أحبابـه



صدقت يا اخى
مايخونش احبابه

ليله شتاء يقول...

السلام عليكم

*****
صدقت فى كل حروفك

دام قلمك

فتاه من الصعيد يقول...

لا موش بيدوس طبعا ... بس ممكن احنا اللي بندوس عليه جهلا ..

شعرك العامي ينافس الفصحى :)

دمت مبدعا

أحمد الصعيدي يقول...
أزال المؤلف هذا التعليق.