الخميس، 17 يونيو، 2010

مـــش بحـــبك


إهــــــداء

.

للأنسة مــــريهان (السكرة )

.

بنت الحاج ريتشارد

.

وكمان مروة Sweet Angel

.

بنوتي الصغيرة أو أختي

.

زي ما هي تحب

.

اسأل الله لها الشفاء التمام

.

وأن ينتقم ممن تسبب في أذاها

.

القصــــــيدة

.

مش بحبك

.
ياللي سحر الشمس فيكي

.
والقمر يوماتي يطلع

.

طلته من نور عنيكي

.

يا نجمة بيها نورت

.

كل الكواكب في السما

.

يا فرحة لما اتبسمت

.
اتبسمت من غير ضني

.
مين ده اللي يقدر يعشقك غيري أنا

.
مين ده اللي يقدر يرسمك بلون الهنا

.
ويكحلك بسمار الليل زيي أنا

.
يا وردة بيضا مفتحة زي النهار

.
يا ضحكة صافية منورة بطعم الصغار

.
تجري في بحر الحياة

.
تمحي سواد الأه

.
تصبح عودين تايهين

.
عود محبة وسماح

.
يطرح بدور ياسمين

.
وعود بلون الفل

.
يضلل علي العاشقين

.
تجمعنا الصدف مرة

.
نعدي الحياة بسنين

.
نمشي في ضي النهار

.

نطرح سنابل فل

.
والشوق يشق السما

.
من قلب الغيوم بيطل

.
الورد صورتنا والندي صاحبه

.
والحب فارد جناحه للفجر ومصاحبه

.
بلل جدار القمر يا حب واسقينا

.
أنا وحبيبي يا عين بندوب في بعضينا

.
البحر وأنا وأنتي

.

نرسم هنا دايرة

.

الشط يتوه من بعيد

.

والمركبة حايرة

.

نمسك شراع الهوي

.

يا حلم طلعنا

.

قبلن يموت الحب

.

.ويصير بلا معني

.

ويصير بلا معني

.

ويصير بلا معني

هناك 14 تعليقًا:

غير معرف يقول...

انت انسان ذوق ومحترم

أوعدك اني مش هأغلط فيك مرة تانية
انت عمرك ما قلت عني كلمة وحشة رغم اني كنت بشتمك باعتذرلك بس أسف مش هأقولك مين أنا سامحني ربنا يسامحك

richardCatheart يقول...

صباح الفل


ايه الحاجات الحلوه اوووووووى دى


تسلم ايدك وقلم يا فنان

جميل اوى والله

وتحيه وتقدير وشكر خاص ليك

على ذوقك وانسانيتك واهدائك الجميل

وتحيه وتقديسر من مريهان والحج ريتشارد

على ذوقك كتر الف خير

مليون تحيه ليك

وربنا يشفى سويت انجل
ويهدى حال الجميع يارب

الحب الجميل يقول...

السلام عليكم
استاذ احمد جميل ان حضرتك مقبلتش الهزيمه ورجعت لينا كلنا تانى بكلماتك الجميله والمعبره واللى بنحب كلنا نقراها
اما بخصوص مريهان فا دى بنتى وحبيبة قلبى بنوته زى السكر وبنت اختى الجميله الرقيقه قلب القطه ربنا يخليهالك يارب ياقطتى وتستهالى بجد اكتر من كدا

وربنا يشفيكى يارب ياسويت انجل ويبعد عنك كل شر اللهم امين

تحياتى وتقديرى

أحمد الصعيدي يقول...

غير معرف

عليك السلام ورحمة الله

لن أعاتبك علي ماكان

دوما كنت أدرء بالحسنة السيئة والحمد ما تبدك مبدئي قط وها هو شاهد أخر علي أن رسول الله حق

اشكرك لحسن الاصغاء

وكل ما أعتب عليك فيه أنك لم تظهر لي شخصك لا اريد معرفته لألومك ولا لأسألك لماذا كنت كذلك

وكن

لنصبح أصدقاء فإن لم أكن أهل لصداقتك فإني أري أنك أهل لصداقتي

فكر في الأمر وإيميلي في المدونة وهأكون مبسوط جدا لو عملتلي إضافة

أشكر كثيرا وعذرا إن تجاوزت حدي بدون قصد ولكنني سعيد كثيرا بوجودك

أحمد الصعيدي يقول...

richardcatheart

مدام مارو
أزي حضرتك

الانسانية جزء لا يتجزء من براءة الاطفال إلا أنها تشمل خبرات السنين

حق لك ولإبنتك تلك القصيدة فأنت الانسان الوحيد الذي عاتبني وطلب مني العودة للتدوين

وأتمني لو أنني أجدت رد الجميل

لإبنتك مني كل الحب حفظها الله لك


شكرا لنصحك

أحمد الصعيدي يقول...

الحب الجميل

يا سيدتي انا لا أقبل الهزيمة ( صعيدي دماغي ... مش هأكمل )

بس لما الضرر يعود علي غيري خلاني فعلا أفكر في كدة

الحمد لله وانتي شايفة كمان الاخ االعزيز غير معرف أهه وهو طبعا أحسن مني شايفاه جاي بعترف بغلط والحمد كلنا بنغلط ولو ما هو انسان كويس لولا ما أعتذر

أما بالنسبة لمريهان

كويس أنك كمان مامتها التانية

أنا بوسطك أني أخطبها

ههههههههه

ربنا يخليهالكو يارب وتكبر وتفرحوا بيها


شكرا لمتابعتك

من كل بستان زهرة يقول...

أستاذ أحمد

أنا مسافره النهارده
قولت أدخل أطمن أشوفك رجعت ولا لسه
بس الحمد لله أطمن عليك قبل ما أمشي


كلماتك مبهجه جدا المره دي
حب وعشق وشقاوه وحياه

يا وردة بيضا مفتحة زي النهار .
يا ضحكة صافية منورة بطعم الصغار .
تجري في بحر الحياة .
تمحي سواد الأه .


أعتقد ان كلماتك الرائعه هي التي تمحي سواد الأه

أسعدك الله

د.أحمد عثمان يقول...

أحمد الصعيدي
قلم جميل يمتلك الموهبة و القدرة
قصيدة جميلة ينقصها فقط بعض التجديد
و التحرر من الصور النمطية
تحياتي

داليـ ـ ـ ـ ـ ـ ــــا يقول...

الف الف سلامه على مروى
ربنا يرجعها يارب بالسلامه
بس كده حضرتك قلقتنى عليها
إنتا بتقول حد أذاها


قصيده رقيقه من إنسان رقيق
لأرق بنوته مروى وتستاهل القصيده

تحيه لمشاعرك الرقيقه ياشاعر

داليـ ـ ـ ـ ـ ـ ــــا يقول...

الف الف سلامه على مروى
ربنا يرجعها يارب بالسلامه
بس كده حضرتك قلقتنى عليها
إنتا بتقول حد أذاها


قصيده رقيقه من إنسان رقيق
لأرق ناس بجد مريهان ومروى وبجد يستاهلوا الكلام الجميل ده

تحيه لمشاعرك الرقيقه ياشاعر

sun of free dom يقول...

كلامك جمييل
جداااااا
والقصيدة رائعة

موجة يقول...

بسم الله الرحمن الرحيم
اللهم اخزيك يا شوشو
مش بتحبها
دانت بتحبهااااااا بتحبهااااااااا
الا بصحيح
مين الناس دووووول
الأنسة مــــريهان (السكرة ).بنت الحاج ريتشارد.وكمان مروة Sweet Angel
فضول بقى
وكمان ايه ده ده
غير معرف يفضحك فى شارع ويصالحك فى حارة
انت ايه
يعنى دى طيبة ولا هبل
سورى يعنى
هو غلط
ماشى
واعتذر برضو ماشى
وانت تقبل عتذارة مااااااااشى
لكن تقوله نبقى صحاب وانت تتشرف بصحوبيته
نعم
نعم بقى

Ms Venus يقول...

كلمات جميلة ورقيقة

مش غريب على قلمك اكيد يا استاذ احمد


تحية واحترام

فتاه من الصعيد يقول...

لا موش هيموت بإذن الله :)

مبدع كالعاده ماشاء الله

والله موش عارفه اقول لحضرتك ايه غير دمت مبدعا لاني بجد نفسي تستمر تكتب بموهبتك دي

تحياتي