السبت، 24 أغسطس 2013

بتمني

وبتمني

يكون ليا ولد منك

ياخد طيبتي

وإحساسك

ياخد حبي

وإخلاصك

ياخد صوتي

وطعم العشق في سكوتي

وياخد ايه كمان تااااااااااااااني

ياخد طعم الشعر في لساني

عشان لو مرة حب يحب

يسقي حبيبته طعم الحب

يقولها زي ما كنت بقولك  وزيادة

غرامه ليها يصير عادة

وبكرة لو هيتجوز

يتمني في حضنها يرتاح

وحـُـبه في قلبها سواح

يقفل بابه علي حـُـبه

ويمَسِكها بقا المفتاح

ويقوللها بكل حنية

أنا بتمني يا عنيا

يكون ليا ولد منك

ياخد طيبتك واحساسك

ياخد قلبك واخلاصك

ياخد صورتك

ياخد سيرتك

وضحكك ويا تكشيرتك

وبتمني ايه تاااااااني

وبتمني

تكوني إنتي رايداني

 *******
أحمد الصعيدي 

هناك 4 تعليقات:

  1. أنا بتمني يا عنيا

    يكون ليا ولد منك

    ياخد طيبتك واحساسك

    ياخد قلبك واخلاصك

    ياخد صورتك

    ياخد سيرتك

    وضحكك ويا تكشيرتك

    ردحذف
  2. أزال المؤلف هذا التعليق.

    ردحذف
  3. وضحكتك وياتكشيرتك مش ممكن الله على احساسك ورقة كلماتك ومشاعرك
    بجد حروفك وكلماتك كالعطر
    صعيدى ساظل اقول لك
    لك ودى واحترامى
    انسانة

    ردحذف
  4. وضحكتك وياتكشيرتك مش ممكن الله على احساسك ورقة كلماتك ومشاعرك
    بجد حروفك وكلماتك كالعطر
    صعيدى ساظل اقول لك
    لك ودى واحترامى
    انسانة

    ردحذف

مرحبا بكم دائما