الأحد، 23 مايو 2010

اذكريني

إهــــــــــداء
.
لكل من يلهث وراء لحظة عشق أخيرة
.

بحبك نجمة بين أحلامي ألاقيكي

.
بحبك زهرة في أرضي أرويكي
.
بحبك موجة علي شطي أناديكي
.
بحبك نبض يسقيني عطش عمرك ويسقيكي
.

بحبك يا حبيبتي بكل ما فيكي

.

بحبك شمعة منقوشة بالحنة

.

تاخدني في ايديها علي الجنة
.

أعيش العمر فيكي سما تغطينا

.
شوق الغرام بينا يكملنا ويحيينا
.

نخلع من حبنا توب السكات
.

ونمحي ضني الماضي اللي فات
.

ننشل عمرنا الباقي م الضياع
.

لجل ما نندم في يوم علي حب ضاع
.

لمي أشواقنا ويلا نعدي بيها
.

إجمعي اللي تلاقيها منها وأحضنيها
.

كل اللي تلمحه عنيكي في حبي المسيه

.

هو ده اللي باقي مني إمسكيه

.

ارسمي صورة علي جدار عنيا
.

واكتبي فيها كلمة حب ليا
.

ودوني فيها كل اللي حستيه

.

انقشي حبك في صورتك واعرفيه
.

واكتبي اسمك عليها وبالدم زينيه
.

وقولي للناس انك اتولدتي من جديد

.

بترعي أيامك زي ما بترعي الأم الوليد
.

قبل ما يفوت الأوان
.

لملمي قلبي اللي باقي
.

إزرعي في أرضي السواقي

.

قبل ما يفوت الأوان

.

إبدري في عمري الأمان
.

وافتحي للشمس بابك

.

وامسحي م الكون ضبابك
.

يمكن تيجي لحظة فيها تنكريني

.

ترجعي لصورتك وتمسحي ترابها بإيديكي

.

تذكري أيامنا فيها ....وتذكريني

هناك 15 تعليقًا:

  1. السلام عليكم

    أرسمى صوره على جدار عنيا

    وأكتبى فيها كلمة حب ليا

    ودونى فيها كل اللى حستيه

    الله عليك ياأحمد بجد بوست يجنن كله حب وهيام ومشاعر رقيقه


    دامت كلمات التى تتغنى لها الطيور

    فهى بهذه الكلمات لازم وأكيد هتتذكر دائما

    أحيك والى الامام دائما

    خالص احترامى

    ردحذف
  2. لملمي قلبي اللي باقي
    .إزرعي في أرضي السواقي.قبل ما يفوت الأوان.إبدري في عمري الأمان
    .
    وافتحي للشمس بابك .وامسحي م الكون ضبابك


    لم أجد أجمل من كلماتك تعليق على أبداعاتك

    دمت مبدعا


    تحياتى وخالص تقديرى

    ردحذف
  3. جمعي اللي تلاقيها منها وأحضنيها
    .
    كل اللي تلمحه عنيكي في حبي المسيه.

    هو ده اللي باقي مني إمسكيه.

    ارسمي صورة علي جدار عنيا

    .واكتبي فيها كلمة حب ليا

    .ودوني فيها كل اللي حستيه.

    انقشي حبك في صورتك واعرفيه
    ------------------------------

    أنا شفت الكلام كأنه صوره بتتحرك

    ماشاء الله مبدع كالعاده يا استاذ احمد

    تحياتي

    ردحذف
  4. إبدري في عمري الأمان
    .


    وافتحي للشمس بابك

    .

    وامسحي م الكون ضبابك
    .


    يمكن تيجي لحظة فيها تنكريني

    .

    ترجعي لصورتك وتمسحي ترابها بإيديكي

    .

    تذكري أيامنا فيها ....وتذكريني



    ياااااااااااااااااه
    صعب لما
    الواحد
    يبقى ذكرى

    ردحذف
  5. طبعا الإبداع المعتاد عليه هنا مش محتاج كلام

    تحياتى

    ردحذف
  6. انا بسجل اعجابى الشديد بالبوست بتاعك
    ماعنديش كلام ولا تعليق اكثر من الللى سبقونى مش عارفه اعلق على ايه ولا ايه بجد روووعه احساس رهيب وكلامات ومشاعر رقيقه للغايه

    بحبك يا حبيبتي بكل ما فيكي .بحبك شمعة منقوشة بالحنة .تاخدني في ايديها علي الجنة
    .أعيش العمر فيكي سما تغطينا.
    شوق الغرام بينا يكملنا ويحيينا
    .نخلع من حبنا توب السكات
    ونمحي ضني الماضي اللي فات
    .ننشل عمرنا الباقي م الضياع

    انت بجد شاعر خرافه
    بس نفسى اسأل حاليا شاعر بايه ؟
    اوعى تقولى بمصيبه جيالى ههههههههه
    تحياتى اليك يا صعيدى

    ردحذف
  7. بحبك موجة علي شطي أناديكي
    مش معقول طبعا
    كاتب اسمى فى الخاطرة ليه؟
    ها؟ ها؟
    احب احييك جدا على شطارتك فى استخدام الطبيعة وتعبيرات من البيئة فى وصف حبك لحبيبتك
    وبجد خاطرة جميلة اوى فكرتنى بالناس الكبار اللى يقولو شعر دووول زى الابنودى مثلا
    هو انا بخرف ولا ايه
    بس بالناس دى وخلاص
    تحياتى

    ردحذف
  8. لمي أشواقنا ويلا نعدي بيها
    .

    إجمعي اللي تلاقيها منها وأحضنيها
    .

    كل اللي تلمحه عنيكي في حبي المسيه

    .

    هو ده اللي باقي مني إمسكيه

    .

    ارسمي صورة علي جدار عنيا
    .

    واكتبي فيها كلمة حب ليا
    .

    ودوني فيها كل اللي حستيه

    .

    انقشي حبك في صورتك واعرفيه
    .

    واكتبي اسمك عليها وبالدم زينيه
    .

    وقولي للناس انك اتولدتي من جديد

    ايه حب حتى الموت دا
    فظيييييييييييييييييييييييييع
    يافنان

    ردحذف
  9. كنت عايزة اعملك شكرا خاص لاختيارك للصوره دى بالذات ليها عندى معازه خاص
    جميييييييييييييييله
    يارب ديما موفق

    ردحذف
  10. هذا هو الحب الخالد

    ما تمتزج احاسيسه الحقيقيه و كل الاماني
    تترجم الانفاس تخضع الخلجات الي حيث تريد

    اسلوب جديد و رؤية شاملة لمعاني الهوي و الغرام

    تلهب الاحاسيس و تهدهد من الغرائز

    تروق لها الارواح و لا تنكرها الاحساد

    عظيم من تحدث مع النفس و احترم خلجاتها

    امتعتني

    تحياتي

    ردحذف
  11. كالعادة

    كلماتك رائعة

    تحية واحترام ليك يا استاذ احمد

    ردحذف
  12. جميلة كلماتك
    تعبيرات الحب رائعة

    تحياتى لك

    ردحذف
  13. ياسلااااااااااااااام

    أستاذ أحمد
    الكلام المره دى لذيذ بشكل وسهل وجميل
    وواصل للقلب بكل سهوله

    وأهم ما فيه انه سهل وبسيط

    بالنسبه للتأخير ع وشفت ردك عليا القصيده الا فاتت
    عذررررا النت عندى مو تمام بالمره

    تحياتى على أحلا الكلمات وصاحبها

    ردحذف
  14. جميله قوي قوي قوي يا ابوحميد

    تسلم دماغك

    ردحذف

مرحبا بكم دائما