الثلاثاء، 4 مايو، 2010

سلامة كرامتك


إفتكرت إهانة ليا من إنسان مات
.
والكلمات عني أنا مش لحد تاني
.
.

سلامة كرامتك

.

يا حافظ كرامة

.

الغني والفقير

.

وصاين بأدبك

.

الطفل الصغير

.

والست العجوزة

.

والراجل الكبير

.

والواد المنطط

.

والوش الملخبط

.

والقرفان ومحبط

.

وبنت الوزير

.

وابن الشوارع

.

والشيخ اللي ضارع

.

والعبد اللي راكع

.

وبنت الأمير

.

وقليل الكرامة

.

وشديد الصرامة

.

وأبو قلب طيب

.



وعديم الضمير

.
سلامة كرامتك

.

يا ابن الحلال

.

يازارع في قلبك

.

محبة ووصال

.

وشايف حياتك دي بيضة

.

وأمالك عريضة

.

في دنيا مريضة

.

وحالك ده حال
.

ما يهمكش منهم

.

وأنسي عملهم

.

وأشتريلك بدالهم

.

عمة وشال

.

سلامة كرامتك

هناك 43 تعليقًا:

خواطر شابة يقول...

لئن ألقي بألف حذاء
اهون علي أن تهينني إمرأة
افهم من هذا الكلام ان الاهانة من رجل تكون مقبولة ومستساغة

أحمد الصعيدي يقول...

مرحبا بك خواطر

لو أنك قرأتي جيدا لعلمتي ان الاهانة لاتخرج من لسانة كاتب الكلمة بفضل من الله

شكرا

ليله شتاء يقول...

السلام عليكم
أصون كرامتى فوق حبى
كلمات جميلة حتى الأغنية أختيار رائع

دام قلمك

فتاه من الصعيد يقول...

الف سلامه لكرامتك

عموما اي شخص يرفض الاهانه سواء من رجل او أمراءه

ماهو موش مضيع الصعايده في الزمن الاسود ده غير كرامتهم اللي بتوجعهم دايما :(

دمت مبدعا جدا جدا في العاميه كما في الفصحى

انت مالتي تالانتيد " متعدد المواهب بلغه الفرنجه " :D

تحياتي

Tarkieb يقول...

ولو اني مستغرب ازاي واحد بالفكر ده والدماغ دي بيقول ازاي ان الاهانة من امرأه أحط من اي اهانة اخري حتى ولو ضرب الجزم.. وباستغرب ازاي بتقول كلام حب في المرأة وانت معتبر المراه كدة.. لكن أهنيك على كلامك اللي بالعامية ولو اني مش موافق عليه اصلا

فكرة من الزمن ده يقول...

طيب ممكن نعرف ايه الموضوع بما اننا من قرائسك؟ وانك كتبت لنا المقدمة دي فاكيد سمحت لنا نعرف
اما عن القصيدة فحقيقي في وقتها اوي وتنطبق على كل اللي داير حوالينا وعلى كل الاصعدة
تحياتي

غروب يقول...

حلوه جدا يا احمد

richardCatheart يقول...

كلامك جميل وقلمك جميل

تسلم والله

بس الاهانه اهانه من اى شخص وفى اى وقت ومكان ياسيدى

مافرقتش

MR.PRESIDENT يقول...

سلامة كرامتك
عنوان رائع
زجل غنائي جامد جداً
بس معلش سؤال غبي من واحد احتمال يبقي ريس ..

هو مين المخاطب في الموضوع ده ؟؟
ارجو انك تستحملني

أحــوال الهـوي يقول...

سلامتك من كل شر يا استاذنا

ايقاع سريع كمن يلهث و تتصاعد انفاسه من اثارة او استثارة

كلمات تعكس مدي التالم من جراح بدون دماء غائرة بلا نصل

احسنت التعبير و اختيار الرتم السريع

تحياتي

أحمد الصعيدي يقول...

ليلة شتاء

أشكر لك عذب كلماتك

أحمد الصعيدي يقول...

فتاة من الصعيد


يعني حضرتك نتبرا من صعيديتنا ولا ايه

وبعدين

أنا مش ملتي

أنا مولتو

يعني زي البسكوت كدة مينفعش أكون صعيدي

هههه

علي فكرة أنا من الأقصر وشغال في فايف ستارز

يعني

أي دون سبيك إنجليش ويل

أوو باغتيمو دي ايتاليانو

سيوونا را

دي بالياياني يعني سلام
نورتيني

أحمد الصعيدي يقول...

تركيب


قد تفرض عليك ثقافة الوطن والجمع بين الصحبة والعشيرة إن وجدت والبعد عن فروع العادات والتقاليد وعدم العيش في صعيد البلد وذاك أهم سبب


قد يفرض عليك كل ماسبق

أن تراني ربما متخلف ولتعلم تماما أن صعيد مصر في الغالب كله كذلك ولنا الفخر

نورتني كتير

أحمد الصعيدي يقول...

فكرة

الموضوع أنا حطيته فوق القصيدة

أما مرورك هو الاهم والاسعد بالنسبة ليا

بعني جرح للكرامة شوية

بس الحمد لله
جات سلامات

أحمد الصعيدي يقول...

غروب

متشكر جدا لمرورك

أحمد الصعيدي يقول...

richard cat heart

مرورك ومتابعتك لمدونتي هو الاجمل والأرق

منوراني دايما

أحمد الصعيدي يقول...

سيادة الرئيس

ههههههههههه

أهلا بيك

متخافش الموضوع ما يخصش أي فكر سياسي عموما لما تبقي رئيس أتمني أكتبلك قصيدة بس حاسب لنكتب سلامة ضميرك


هههههههههههه


نورتني حضرتك

ممكن طلب

وصي عليا في الداخلية

أحمد الصعيدي يقول...

أحوال الهوي أستاذي الكبير

معلش الموضوع مش مستاهل فصحي فحبيت أستنبط روحك بس فشلت

عموما

اللي يجرحني ما يستاهلش أكتر من عشر ثواني بس أكتب فيها كلامي


نورتني يا أستاذي بس وعلي فكرة أنا بستأذن حضرتك إني أضيفك علي الميل

مستني موافقة حضرتك أو الرفض
والأتنين يزيدوا إحترامي لحضرتك

نورتني

فضفضه يقول...

السلام عليكم
سلامة كرامتك انسان مثلك يستحق الاحترام والتقدير

سلامة كرامتك

مرايتى يقول...

سلامتك كرامتك

ياحافظ كرامة الغير

الكرامه كيان الإنسان لو ضاعت ضاع معها الكيان

تحياتى لقلمك المتألق

ريمان يقول...

واااااااااو

ايه اللون الجديد ده؟
والله جميله مع اننا مش متعودين انك تكتب بالعاميه

بجد جميله

بس يا ترى بقى بتخاطب ميييييييين؟

داليـ ـ ـ ـ ـ ـ ــــا يقول...

تعرف حضرتك ان كلامك جه فى وقته

لانى محتاجه حالا بجد ان يتقالى سلامة كرامتك ياداليا متصانه ومحفوظه وفوق الراس

بس للاسف اتهانت والله

تخيل بقه

تعرف يابشمهندس احمد بجد
كلامك بيخلى نفسى تصعب عليا

تحيه لإحساسك العالى اوى

داليـ ـ ـ ـ ـ ـ ــــا يقول...

انا جيت اواسى
شكيت حالى

الف الف سلامه على كرامتك
متصانه ومحفوظه غصب عن الكل يابشمهندس

تحيه غاليه ليك

من كل بستان زهرة يقول...

أستاذ أحمد الصعيدي

معلش أنا اسفه مش فاهمه

هو انت بطيب خاطر نفسك ولا أنا فهمت غلط

بس حاسه انك موجوع أوي

وشايف حياتك دي بيضة .
وأمالك عريضة .
في دنيا مريضة
وحالك ده حال

متقولش كده حالك هو أحسن حال
ان شاء الله

ربنا يسعدك
وكرامتك تفضل محفوظه طول العمر

أحمد الصعيدي يقول...

فضفضة

أشكر لك ذاك المديح الذي ربما لا أستحقه

لم يبق لنا في هذا الزمان إلا الكرامة ولا يمكن أن أسمح لأحد بتجاوز خط الاحترام


شكرا لك

أحمد الصعيدي يقول...

مرايتي


ربنا يسلمك دايما يا مرايتي

ويسعدك كمان

أحمد الصعيدي يقول...

ريمان



وااااو


أنا أعاتبك دهرا لا يلين لناصح
وأخفي الجوي في القلب والدمع فاضحي


شكرا لمرورك يا ست الكل

أحمد الصعيدي يقول...

دايلا

أسف إن كنت أثرت شجونك وذكرت ك بذكري مؤلمة ولكن تلك أحاسيسي أخط بها

دوما أسعد بوجودكم هنا

أحمد الصعيدي يقول...

من كل بستان زهرة


حينما تأتي الإهانة من عزيز لديك يصير الوجع جبال حزن


فعلا أنا بأرثي كرامتي


شكرا لحضورك المتميز

Ms Venus يقول...

كلمات جميلة يا احمد

تحية ليك

حنان الشافعي يقول...

عميق امتناني

القصيدة السابقه


رائعه


ودي

حنان الشافعي يقول...

عميق امتناني

القصيدة السابقه


رائعه


ودي

أحــوال الهـوي يقول...

تستاذن في ايه يا شاعر

الميل و صاحبه لهم الشرف الرفيع لو اضفتنا الي دائرة اهتمامك


eallam@isam.com.sa

تحياتي

غير معرف يقول...
أزال أحد مشرفي المدونة هذا التعليق.
MONTY يقول...

مساء الخير
احييك على كل كلمه قولتها

ومن غير كرامه للانسان ...يبقى الموت

ارحم الف مره


جمييييييييييله فعلا

وياريت تقبل مرورى

عرفة فاروق عبد لله يقول...

السلام عليكم

القصيدة كويسة

بس انفعالية زيادة على اللزوم

تحيتى

القمرالباكي يقول...

السلام عليكم ورحمه الله وبركاته
مساء الخير يااستاذ احمد

ده نوع جديد اول مهر اشوفك منك ولكن متميز كالعاده وتركيبات الكلام اكتر من جميله
وطبعا الف سلامه ع كرامتك
وكرامتك محفوظه دائما

دومت بخير

أحمد الصعيدي يقول...

ms venus

مرورك أجمل


شكرا

أحمد الصعيدي يقول...

حنان الشافعي

وعميق إمتناني لك أيضا

وشكرا للمديح عن السابقة

أحمد الصعيدي يقول...

أحوال الهوي

أشكرك يا أستاذنا

ده فخر ليا أنا

شكرا لحضرتك

أحمد الصعيدي يقول...

monty

تقبلنا مرورك وعذب كلامك

ولكن شريطة أن تكوني هنا دائما


شكرا لمرورك

أحمد الصعيدي يقول...

عرفه فاروق

يا أخي أنا إنفعلت لموقف كتبت الكلام ده ومش قاصد أني أعمل قصيدة ولا حاجة


علي فكرة أنا كل اللي بيجي عندي زي أخواتي تمام ومفيش غل في قلوبهم وبيحبوا المكان ده لأني محترم جدا مع الكل فأرجو أن تكون هنا ولكن بود وليس لنقد علي أساس يحمل أي فرع من فروع الإسقاط

أظن الرسالة وصلت

شكرا لمرورك

أحمد الصعيدي يقول...

القمر الباكي


الله يسلم كرامتك ومرورك اللي زي نسمة الصيف


شكرا جدا ليكي

وعليكم السلام ورحمة الله وبركاته