الخميس، 20 مايو، 2010

إلي أميرة فرعونية



تحـــــــية خــــــاصة
.


لصديقي العزير وأستاذي
.


نبض القصيدة العامية الجميلة

ونفـــحة مــن الزمن الجميل
.


الدكـــــــتور / عصام
.


صاحب مدونة
.


أحــــــــــوال الهـــــوي
.


القصـــــــــيدة


.

بحبك زي لون الورد

.

بحبك رسم فوق الخد

.

بحب الضحكة في شفايفك

.

بحبك زي ما أنا شايفك
.

أميرة ف عرش لياليا


ووردة حمرا في إيديا

.

تلم بسحرها الشرقي

.

نجوم الكون حواليا

.

بحبك زي ليل هادي

.

وشمعة ضي بتنادي

.

ورقصة حلوة مصرية

.

بحبك ليل يدفيني

.

وشراع م الخوف يعديني

.

يا ست الكل يا صبية

.

بحبك نور في سكتنا

.

يغني الكل غنوتنا

.

مفيش أحزان تسكتنا

.

يا عمري يا كل ماليا

.

بحبك نجمة دايرة في الملكوت

.

تشيد كل لحظة تابوت

.

تدفن كل أحزاني


.ترجعني من تاني

.

ملك في عهد فرعوني

.

أخبي السحر في عيونك

.

يتوه السحر في عيوني

.

أزرع عطرك في ليالي الصيف

.

وأنشرك نسمة ما بين الطيف

.

أنقش حروفك من صبا خطي

.

تسمي عليهم قبل ما تخطي

.

نرسمهم في عيون الناس

.

جميلة نايمة علي شطي

.

ولوحة سمرة في أعلي جدار

.

بعيدة عن اللهب والنار

.

تاخد من الليل ضحكته
.

ومن النهار تستلف ضيه

.

ومن النسيم تزرع ندهته

.

ومن خضاره ترتدي زيه

.
بحبك زي ما بشوفك
.

شوية مية في كفوفي

.

بتجري من حنا كفوفك

.

بحبك ومش هأصرخ

.

وأقول من الحب أه ياني

.

وبكل وجداني هأقول تاني

.

بحب الضحكة في شفايفك

.
بحبك زي ما أنا شايفك

.

عروسة في مُلك أحزاني

هناك 50 تعليقًا:

mrmr يقول...

الله .. الله .. الله
بجد كلمات رووعه يسلم كاتبها ويسلم اللى بيحيى شاعرها
وسلام كبير قوووووى للصعايده


مش تزعل انا صعيديه وافتخر

Tarkieb يقول...

بصراحة الصورة مبوظة الكلام الجميل ده..انا باستغرب حد يحط على اميرة فرعونية صورة واحد مدي على اميرة

sweet angel يقول...

,ولية بقا الإشراف ده؟
كده مش كويس
غير المعرف كده يبقا نجح,

sweet angel يقول...

أتفق مع التعليق الي قال ان الصوره مش لايقه خالص الحقيقه

بس الكلمات روعه وجميله خالص والله
وتتحس
أحسن بكتير من القصائد الي بالفصحى

تسلم ايدك

Ms Venus يقول...

جميلة اوى الكلمات


دمت مبدع

فتاه من الصعيد يقول...

بحبك نجمة دايرة في الملكوت

تشيد كل لحظة تابوت

تدفن كل أحزاني

.ترجعني من تاني

ماشاء الله جميل شعرك العامي جدااااااااااا

حاول تكتب عامي كتير لانه بينافس بجماله شعرك الفصحى

دمت مبدعا

تحياتي

أحــوال الهـوي يقول...

من انا ليستحق اهدائك

و اليوم افتخر ان يذكرني من في مثل موهبتك و ابداعك

و اتيه فخرا بين الناس انني قد ذكرت من قبل امير الشعراء الجديد

احببت كلماتك العاميه بها كل المشاعر الجميلة تترجمها برقه و عذوبه
نص يتبع فلسفة جديده في الفكر ارجو ان تستمر فتريح بالك و تطمئن قلبك

تحياتي

غير معرف يقول...

روعه يا احمد

طبعا انت عارف انى بحب العامية

على فكره : كنت اتمنى نكون افضل من كده بس انت اتسرعت مقدرتش تستحملنى في غضبي اللى مكنش منك اصلا

ضغطت عليه في لحظه انا مخنوقه فيها فكان لازم نوصل لكده

عموما ده مش عتاب

ده مجرد توضيح

اعتقد حتى انك مرتاح اكتر .. بس اعتقد مش هادخل المدونه تانى نهااااااااائي

لان سويت انجل واضح انها متضايقه من الغير معرف .... وبتقول انك عملت الاشراف علشانه

متنشرش تعليقي لو هيضايق حد عندك يا احمد

تحياتى

طبعا انت عارف انا مين

بس اخر حاجه : القصيده تحفهههههه فعلا عجبتنى جدا لانها بالعاميه

سلام

البنفسج الحزين يقول...

كل ما ادخل مدونتك واقرا قصيده جديده ليك أتأكد تاني وتاني انك بجد فنان وشاعر موهوب جداااااااا في الفصحه وفي العامي كمان ...
ما شاءالله ربنا يزيدك موهبه وابداع....
واسفه علي عدم قدرتي علي المتابعه
الفترة اللي فاتت...

احاسيس آيوشه يقول...

كلمات رقيقة وجميلة جدا
تسلم ايديك

محمود(باحث عن حب) يقول...

الله
اكبر
انت مش شاعر
فصحى
بس
لآ
كمان
عاميه
انت مش سايب حاجه
يابنى
ايه
الجمال
ده كله
والله زى السكر

بس الصوره
عجبااااااااااااااااااااانى
والله
والكلام
روعه

sweet angel يقول...

لأ يا غير معرفه والله أنا مش أقصد حضرتك بأي حاجه
أنا قصدت الناس الي بقت بتدخل علشان تغلط بس في أصحاب المدونات

وانا مليش في المدونة علشان اتضايق من أي زائر فيها باختصار لأن أنا كمان ضيفه

بعتذر اذا فهمتي كلامي غلط

richardCatheart يقول...

جميييييييييييله جدااااااااا

تشبهتها كلها حكايه

بس انا عجبنى الصوره يمكن علشان بحب اليزابث تايلور هو فى صور فى الفيلم احلى
ليها بس مايمنعش ان دى جميله بردو

فى كل الاحوال جميله جدا القصيده
والله يسلم قلمك الرائع

لـــولا وزهراء يقول...
أزال المؤلف هذا التعليق.
لـــولا وزهراء يقول...

لـــولا وزهراء يقول...
.


بحبك زي لون الورد

.


بحبك رسم فوق الخد


.

بحب الضحكة في شفايفك

.


بحبك زي ما أنا شايفك
.


أميرة ف عرش لياليا



ووردة حمرا في إيديا



جميييييييييييييييلة الابيات جدا رااااائعة تسلم الايادي بس مفهمتش لحضرتك استاذ احمد الصعيدي ولا للشاعر صديقك د عصام؟
لـــولا

21 مايو, 2010 03:24 م

صباح الخير يقول...

بعد السلام عليكم

لقد حولتنى الى اسير لمدونتك .فأرانى دائم الترقب لكل جديد

جميلة قووووى

دمت مبدعا

تحياتى وخالص تقديرى

فكرة من الزمن ده يقول...

الله الله الله الله
جميلة جمال مش معقول
تسلم ايد اللي كتب واللي جاب

كل مقطع فيها حالة من الشجن والسحر
تحياتي

أحمد الصعيدي يقول...

mrmr

أهلا يا صعيدية

منوراني دايما


وشكرا لكلامك الرقيق

أحمد الصعيدي يقول...

tarkieb

طلباتك أوامر أنا تحت أمر المدونين

الحب الجميل يقول...

نوووو كومنت بعد كل التعليقات الجميله دى

بجد بوست رهيب يحمل معانى الحب والعشق

وأقول من الحب اه يانى

وبكل وجدانى هأقول تانى

بحب الضحكه من شفايفك

بحبك زى ما أنا شايفك

عجبانى موت الجزء دا

جميل ان الانسان يشوف حبيبته او حبيبه زى ما هو بكل ما فيه

على فكره انا شفت الصوره الاولى مكنتش منسجمه مع البوست لكن دى احلى بكتير وماشيه معاه

دامت كلمااااااااااتك

تحياتى

أحمد الصعيدي يقول...

sweet angel


انا مفيش حاجة غلط أساسا تخليني أخبي التعليقات

خلاص فتحناها منعا لوء الظن من أي حد



وشكرا لكلامك بس حبيت أقولك أني مش هأبطل فصحي دي حاجة كدة علي الماشي

أحمد الصعيدي يقول...

ms venus

مرورك دايما أجمل

بس عايزة أقولك حاجة

التعليق مش الـ sms


عادي اتكلمي براحتك كله ببلاش

زوده طبعا لأن وجودك هنا يهمنا لأنك من المتابعين

شكرا لمرورك

أحمد الصعيدي يقول...

فتاة من الصعيد

دي حاجة جات بظروفها كدة


أما الفصحي هو الأساس

مبسوط أنها جبتك

وشكرا ليكي يا ست الكل

أحمد الصعيدي يقول...

أحوالالهوي


أستاذي الفاضل


ذاك فيض من بعض احساسك وقلمك الرائع


لا تلمني لأنني أعشق كلماتك

ولا تتواضع هنا فإنما نحن بإحساسك


نورتني

أحمد الصعيدي يقول...

غير معرف


حصل خير


وشكرا لمرورك

غير معرف يقول...

محدش قال تبطل فصحي
بس بنبدي إعجابنا بالعامية برضه

أحمد الصعيدي يقول...

البنفسج الحزين


أنا كنت خلاص فقدت الأمل انك تيجي هنا تاني


لكن خلا عرفنا اللي فيها

العامية يا ست الكل

عموما نورتيني

أحمد الصعيدي يقول...

أحاسيس أيوشة

الأجمل مرورك

غير معرف يقول...

طب والله جميله

أحمد الصعيدي يقول...

محمود باحث الحب




يعني أهه بنحاول وربنا يعين


شكرا لإهتمامك

أحمد الصعيدي يقول...

sweet angel

أتمني بس ان المدونة متبقاش ساحة للحوار اللي مش بحبه خالص

أحمد الصعيدي يقول...

richard catheart


شفتي الافتري


عامية وفصحي

وكله تمام

منوراني دايما

أحمد الصعيدي يقول...

لولا وزهراء

دي طبعا كلماتي المتواضعة وأحب أقولك أن قام الدكتور عصام أرقي من كدة بكتير جدا


شكرا لمرورك

أحمد الصعيدي يقول...

صباح الخير


وجودك بيسعدني دايما


وشكرا لمجاملتك الرقيقة

رينا يسعدك دايما

أحمد الصعيدي يقول...

فكرة


مش هأقدر أرد علي روعة تعليقك

شكرا لمرورك

أحمد الصعيدي يقول...

الحب الجميل


وانا كمان نووو كومنت



مرورك رااااااااااااائع


شكرا

(ست* جنى* الحسن) يقول...

سلامو عليكو..
والله كلام جميل بس مش عرفه ليه حسه انه مكتوب لمصر؟؟؟
لك تحياتى

داليـ ـ ـ ـ ـ ـ ــــا يقول...

طيب الواحده مننا تشكر مين

طبعا نشكر الاتنين
الا كاتبها
والا حس كلماتها

جميله بجد القصيده
وأعرف حاجه ياأستاذ أحمد

اى قصيده فيها كلمة ( بحبك ) بتمس قلوب اى حد

تحياتى

حـــــ الــجــنــة ـــــور يقول...

بجد ماااشاء الله

قلمك مبدع واحساسك راقي ومرهف انت حتحببنا في الحب كده دمت مرهف الاحساس


تقبل مروري وتحياتي

افروديت يقول...

جميله اوي تسلم ايديه وميرسي كتيرعلي نقلها..تقبل مروري

القمرالباكي يقول...

السلام عليكم ورحمه الله وبركاته

مساء الخير يا استاذي
كلماتك في منتهي الروعه واحساس عالي وموسيقي بين السطور
تحفه بجد عجبتني جدااااا
بصراحه انا الي بقيت عايزه اعرف مين غير معرف حشريه بقي

بهزر

دومت بخير

غير معرف يقول...

بيسالوا عني انا مين ؟

طيب بتسالوا ليه

أحمد الصعيدي يقول...

ست الحسن جني


الكلام مكتوب ولأي حد يحسه بالشكل اللي يشوفه

المهم انه يعجبك لأن ده يبسطني


بس هو مش كدة

شكرا لمرورك

أحمد الصعيدي يقول...

داليا


أنا كتبت الكلمات وانتو الاحساس عليكو


فعلا كلام الحب بيخلي في تفاؤل


شكرا لمرورك ولو انك اتأخرتي المرادي

أحمد الصعيدي يقول...

حور الجنة

أهلا بالجزائريين أحبابنا وأهلنا



مرورك أروع

وياريت يدوم

أحمد الصعيدي يقول...

افروديت


دي مش منقولة دي كلماتي بس بهديها لأحوال الهوي لأنه أستاذي

أحمد الصعيدي يقول...

القمر الباكي


كلمة استاذي بتحرقني كتير

ومرورك هنا درب من دروب الجمال


أما عن الغير معرف


هي ملهمتي


ههههههههه


بهزر

أحمد الصعيدي يقول...

غير معرف


سؤال يعنيني أنا لأني أهتم بمن يعلق عندي

فضفضه يقول...

ماشاء الله
جميل جدا يسلم احساسك المرهف

أحمد الصعيدي يقول...

فضفضة

يسلم مرورك المعطر