الخميس، 20 مايو 2010

إلي أميرة فرعونية



تحـــــــية خــــــاصة
.


لصديقي العزير وأستاذي
.


نبض القصيدة العامية الجميلة

ونفـــحة مــن الزمن الجميل
.


الدكـــــــتور / عصام
.


صاحب مدونة
.


أحــــــــــوال الهـــــوي
.


القصـــــــــيدة


.

بحبك زي لون الورد

.

بحبك رسم فوق الخد

.

بحب الضحكة في شفايفك

.

بحبك زي ما أنا شايفك
.

أميرة ف عرش لياليا


ووردة حمرا في إيديا

.

تلم بسحرها الشرقي

.

نجوم الكون حواليا

.

بحبك زي ليل هادي

.

وشمعة ضي بتنادي

.

ورقصة حلوة مصرية

.

بحبك ليل يدفيني

.

وشراع م الخوف يعديني

.

يا ست الكل يا صبية

.

بحبك نور في سكتنا

.

يغني الكل غنوتنا

.

مفيش أحزان تسكتنا

.

يا عمري يا كل ماليا

.

بحبك نجمة دايرة في الملكوت

.

تشيد كل لحظة تابوت

.

تدفن كل أحزاني


.ترجعني من تاني

.

ملك في عهد فرعوني

.

أخبي السحر في عيونك

.

يتوه السحر في عيوني

.

أزرع عطرك في ليالي الصيف

.

وأنشرك نسمة ما بين الطيف

.

أنقش حروفك من صبا خطي

.

تسمي عليهم قبل ما تخطي

.

نرسمهم في عيون الناس

.

جميلة نايمة علي شطي

.

ولوحة سمرة في أعلي جدار

.

بعيدة عن اللهب والنار

.

تاخد من الليل ضحكته
.

ومن النهار تستلف ضيه

.

ومن النسيم تزرع ندهته

.

ومن خضاره ترتدي زيه

.
بحبك زي ما بشوفك
.

شوية مية في كفوفي

.

بتجري من حنا كفوفك

.

بحبك ومش هأصرخ

.

وأقول من الحب أه ياني

.

وبكل وجداني هأقول تاني

.

بحب الضحكة في شفايفك

.
بحبك زي ما أنا شايفك

.

عروسة في مُلك أحزاني

هناك 50 تعليقًا:

  1. الله .. الله .. الله
    بجد كلمات رووعه يسلم كاتبها ويسلم اللى بيحيى شاعرها
    وسلام كبير قوووووى للصعايده


    مش تزعل انا صعيديه وافتخر

    ردحذف
  2. بصراحة الصورة مبوظة الكلام الجميل ده..انا باستغرب حد يحط على اميرة فرعونية صورة واحد مدي على اميرة

    ردحذف
  3. ,ولية بقا الإشراف ده؟
    كده مش كويس
    غير المعرف كده يبقا نجح,

    ردحذف
  4. أتفق مع التعليق الي قال ان الصوره مش لايقه خالص الحقيقه

    بس الكلمات روعه وجميله خالص والله
    وتتحس
    أحسن بكتير من القصائد الي بالفصحى

    تسلم ايدك

    ردحذف
  5. جميلة اوى الكلمات


    دمت مبدع

    ردحذف
  6. بحبك نجمة دايرة في الملكوت

    تشيد كل لحظة تابوت

    تدفن كل أحزاني

    .ترجعني من تاني

    ماشاء الله جميل شعرك العامي جدااااااااااا

    حاول تكتب عامي كتير لانه بينافس بجماله شعرك الفصحى

    دمت مبدعا

    تحياتي

    ردحذف
  7. من انا ليستحق اهدائك

    و اليوم افتخر ان يذكرني من في مثل موهبتك و ابداعك

    و اتيه فخرا بين الناس انني قد ذكرت من قبل امير الشعراء الجديد

    احببت كلماتك العاميه بها كل المشاعر الجميلة تترجمها برقه و عذوبه
    نص يتبع فلسفة جديده في الفكر ارجو ان تستمر فتريح بالك و تطمئن قلبك

    تحياتي

    ردحذف
  8. روعه يا احمد

    طبعا انت عارف انى بحب العامية

    على فكره : كنت اتمنى نكون افضل من كده بس انت اتسرعت مقدرتش تستحملنى في غضبي اللى مكنش منك اصلا

    ضغطت عليه في لحظه انا مخنوقه فيها فكان لازم نوصل لكده

    عموما ده مش عتاب

    ده مجرد توضيح

    اعتقد حتى انك مرتاح اكتر .. بس اعتقد مش هادخل المدونه تانى نهااااااااائي

    لان سويت انجل واضح انها متضايقه من الغير معرف .... وبتقول انك عملت الاشراف علشانه

    متنشرش تعليقي لو هيضايق حد عندك يا احمد

    تحياتى

    طبعا انت عارف انا مين

    بس اخر حاجه : القصيده تحفهههههه فعلا عجبتنى جدا لانها بالعاميه

    سلام

    ردحذف
  9. كل ما ادخل مدونتك واقرا قصيده جديده ليك أتأكد تاني وتاني انك بجد فنان وشاعر موهوب جداااااااا في الفصحه وفي العامي كمان ...
    ما شاءالله ربنا يزيدك موهبه وابداع....
    واسفه علي عدم قدرتي علي المتابعه
    الفترة اللي فاتت...

    ردحذف
  10. كلمات رقيقة وجميلة جدا
    تسلم ايديك

    ردحذف
  11. الله
    اكبر
    انت مش شاعر
    فصحى
    بس
    لآ
    كمان
    عاميه
    انت مش سايب حاجه
    يابنى
    ايه
    الجمال
    ده كله
    والله زى السكر

    بس الصوره
    عجبااااااااااااااااااااانى
    والله
    والكلام
    روعه

    ردحذف
  12. لأ يا غير معرفه والله أنا مش أقصد حضرتك بأي حاجه
    أنا قصدت الناس الي بقت بتدخل علشان تغلط بس في أصحاب المدونات

    وانا مليش في المدونة علشان اتضايق من أي زائر فيها باختصار لأن أنا كمان ضيفه

    بعتذر اذا فهمتي كلامي غلط

    ردحذف
  13. جميييييييييييله جدااااااااا

    تشبهتها كلها حكايه

    بس انا عجبنى الصوره يمكن علشان بحب اليزابث تايلور هو فى صور فى الفيلم احلى
    ليها بس مايمنعش ان دى جميله بردو

    فى كل الاحوال جميله جدا القصيده
    والله يسلم قلمك الرائع

    ردحذف
  14. لـــولا وزهراء يقول...
    .


    بحبك زي لون الورد

    .


    بحبك رسم فوق الخد


    .

    بحب الضحكة في شفايفك

    .


    بحبك زي ما أنا شايفك
    .


    أميرة ف عرش لياليا



    ووردة حمرا في إيديا



    جميييييييييييييييلة الابيات جدا رااااائعة تسلم الايادي بس مفهمتش لحضرتك استاذ احمد الصعيدي ولا للشاعر صديقك د عصام؟
    لـــولا

    21 مايو, 2010 03:24 م

    ردحذف
  15. بعد السلام عليكم

    لقد حولتنى الى اسير لمدونتك .فأرانى دائم الترقب لكل جديد

    جميلة قووووى

    دمت مبدعا

    تحياتى وخالص تقديرى

    ردحذف
  16. الله الله الله الله
    جميلة جمال مش معقول
    تسلم ايد اللي كتب واللي جاب

    كل مقطع فيها حالة من الشجن والسحر
    تحياتي

    ردحذف
  17. mrmr

    أهلا يا صعيدية

    منوراني دايما


    وشكرا لكلامك الرقيق

    ردحذف
  18. tarkieb

    طلباتك أوامر أنا تحت أمر المدونين

    ردحذف
  19. نوووو كومنت بعد كل التعليقات الجميله دى

    بجد بوست رهيب يحمل معانى الحب والعشق

    وأقول من الحب اه يانى

    وبكل وجدانى هأقول تانى

    بحب الضحكه من شفايفك

    بحبك زى ما أنا شايفك

    عجبانى موت الجزء دا

    جميل ان الانسان يشوف حبيبته او حبيبه زى ما هو بكل ما فيه

    على فكره انا شفت الصوره الاولى مكنتش منسجمه مع البوست لكن دى احلى بكتير وماشيه معاه

    دامت كلمااااااااااتك

    تحياتى

    ردحذف
  20. sweet angel


    انا مفيش حاجة غلط أساسا تخليني أخبي التعليقات

    خلاص فتحناها منعا لوء الظن من أي حد



    وشكرا لكلامك بس حبيت أقولك أني مش هأبطل فصحي دي حاجة كدة علي الماشي

    ردحذف
  21. ms venus

    مرورك دايما أجمل

    بس عايزة أقولك حاجة

    التعليق مش الـ sms


    عادي اتكلمي براحتك كله ببلاش

    زوده طبعا لأن وجودك هنا يهمنا لأنك من المتابعين

    شكرا لمرورك

    ردحذف
  22. فتاة من الصعيد

    دي حاجة جات بظروفها كدة


    أما الفصحي هو الأساس

    مبسوط أنها جبتك

    وشكرا ليكي يا ست الكل

    ردحذف
  23. أحوالالهوي


    أستاذي الفاضل


    ذاك فيض من بعض احساسك وقلمك الرائع


    لا تلمني لأنني أعشق كلماتك

    ولا تتواضع هنا فإنما نحن بإحساسك


    نورتني

    ردحذف
  24. غير معرف


    حصل خير


    وشكرا لمرورك

    ردحذف
  25. محدش قال تبطل فصحي
    بس بنبدي إعجابنا بالعامية برضه

    ردحذف
  26. البنفسج الحزين


    أنا كنت خلاص فقدت الأمل انك تيجي هنا تاني


    لكن خلا عرفنا اللي فيها

    العامية يا ست الكل

    عموما نورتيني

    ردحذف
  27. أحاسيس أيوشة

    الأجمل مرورك

    ردحذف
  28. طب والله جميله

    ردحذف
  29. محمود باحث الحب




    يعني أهه بنحاول وربنا يعين


    شكرا لإهتمامك

    ردحذف
  30. sweet angel

    أتمني بس ان المدونة متبقاش ساحة للحوار اللي مش بحبه خالص

    ردحذف
  31. richard catheart


    شفتي الافتري


    عامية وفصحي

    وكله تمام

    منوراني دايما

    ردحذف
  32. لولا وزهراء

    دي طبعا كلماتي المتواضعة وأحب أقولك أن قام الدكتور عصام أرقي من كدة بكتير جدا


    شكرا لمرورك

    ردحذف
  33. صباح الخير


    وجودك بيسعدني دايما


    وشكرا لمجاملتك الرقيقة

    رينا يسعدك دايما

    ردحذف
  34. فكرة


    مش هأقدر أرد علي روعة تعليقك

    شكرا لمرورك

    ردحذف
  35. الحب الجميل


    وانا كمان نووو كومنت



    مرورك رااااااااااااائع


    شكرا

    ردحذف
  36. سلامو عليكو..
    والله كلام جميل بس مش عرفه ليه حسه انه مكتوب لمصر؟؟؟
    لك تحياتى

    ردحذف
  37. طيب الواحده مننا تشكر مين

    طبعا نشكر الاتنين
    الا كاتبها
    والا حس كلماتها

    جميله بجد القصيده
    وأعرف حاجه ياأستاذ أحمد

    اى قصيده فيها كلمة ( بحبك ) بتمس قلوب اى حد

    تحياتى

    ردحذف
  38. بجد ماااشاء الله

    قلمك مبدع واحساسك راقي ومرهف انت حتحببنا في الحب كده دمت مرهف الاحساس


    تقبل مروري وتحياتي

    ردحذف
  39. جميله اوي تسلم ايديه وميرسي كتيرعلي نقلها..تقبل مروري

    ردحذف
  40. السلام عليكم ورحمه الله وبركاته

    مساء الخير يا استاذي
    كلماتك في منتهي الروعه واحساس عالي وموسيقي بين السطور
    تحفه بجد عجبتني جدااااا
    بصراحه انا الي بقيت عايزه اعرف مين غير معرف حشريه بقي

    بهزر

    دومت بخير

    ردحذف
  41. بيسالوا عني انا مين ؟

    طيب بتسالوا ليه

    ردحذف
  42. ست الحسن جني


    الكلام مكتوب ولأي حد يحسه بالشكل اللي يشوفه

    المهم انه يعجبك لأن ده يبسطني


    بس هو مش كدة

    شكرا لمرورك

    ردحذف
  43. داليا


    أنا كتبت الكلمات وانتو الاحساس عليكو


    فعلا كلام الحب بيخلي في تفاؤل


    شكرا لمرورك ولو انك اتأخرتي المرادي

    ردحذف
  44. حور الجنة

    أهلا بالجزائريين أحبابنا وأهلنا



    مرورك أروع

    وياريت يدوم

    ردحذف
  45. افروديت


    دي مش منقولة دي كلماتي بس بهديها لأحوال الهوي لأنه أستاذي

    ردحذف
  46. القمر الباكي


    كلمة استاذي بتحرقني كتير

    ومرورك هنا درب من دروب الجمال


    أما عن الغير معرف


    هي ملهمتي


    ههههههههه


    بهزر

    ردحذف
  47. غير معرف


    سؤال يعنيني أنا لأني أهتم بمن يعلق عندي

    ردحذف
  48. ماشاء الله
    جميل جدا يسلم احساسك المرهف

    ردحذف
  49. فضفضة

    يسلم مرورك المعطر

    ردحذف

مرحبا بكم دائما