الجمعة، 11 فبراير 2011

وحشتينا يا بهية


في الكون ملايكة

وفي الشوارع ناس

تخطف نجوم السما

وتحضن الحراس

الشعب بجزمته

دايس علي الميدان

يرهب شعوب الطغاة

ويزلزل الجدران

أن الأوان تفرحي

يا مصر وتغني

يا شمس يا منورة

يا نهر في النني

وحشتيني يا ست الكل

يا بهية

يا أغلي ما في الكون

يا كحل في عنيا

وحشني شوارعك

حجارة وكراسي

مرايه بتضهي

علي كل النواصي

بتنده عليا

وعلي كل ناسي

يا ابني يا بنتي

يا ولاد عرابي

تعالوا نغني

علي كل الروابي

نطير حمامنا

إمري وبناني

ونقابل صباحنا

بعزف وأغاني

ونملا النيل تقاوي

تطرح محبة

علي كل غاوي

ونزرع محبة

في حضن الأحبة

تبدر سلام

وتطرح غناوي

هناك 9 تعليقات:

  1. مبروووووووووووووووووووووك عليك ياشعب الاحرار
    مبروووووووووووووووووووووووك عليك يامصر
    الف مبروووووووووووووووووووووك

    ردحذف
  2. مبررررررررررررروك علينا مصر
    يا شاعر الصعيد

    ردحذف
  3. مبروووك الحرية يا بلدى

    ردحذف
  4. مبروووووووووك وقصيده رائعه

    ردحذف
  5. مبررررررررررررررررررررررروك

    ردحذف
  6. مبروووووووووووووووووك يا شاعرنا
    مبروووووووووك
    تعبنا مضعش الحمد لله
    مبروك لكل مصر

    ردحذف
  7. الف مبروك علينا رجوع مصر لينا
    ومش هنفرط تاني فيها
    مبرووووووووووووووووووووووك

    ردحذف
  8. مبرووووووووووووووك لك يا مصر
    من تونس اقول لك الثورةالثورة حتى النصر من تونس حتى مصر
    رؤوف

    ردحذف

مرحبا بكم دائما