الأحد، 26 سبتمبر 2010

الخطـــية



فرعــــت يا حـــب شجرك مــن قـلب أحزاني

وأنا بأملك ايه غير مودة وخناجر في أحضاني

مكــــسور يا قلـــبي ومـــــين يجــــبرك تـــاني

ومين يخـــفف طـــعن السيوف اللي جارحاني


*******

لفــــيت الـــمديــــنة اللـــيل مالقـــتش جــناينها

حــــتي عــــيدان البــــخور ريحـتها كارهيـنها

يا اللي ركـــبت البـــحور تبحث عــــن الموجة

الموجة عـــالــية عليك وصــخورها شايلـيـنها


*******

مـــن بعيد أشـــوف القمر عالي ومــش واطي

هـــو اللي يخلص لحبه يصـير يا ناس خاطي؟

ان كان الحـــب يا حبيبتي جـــريمة وخطــــية

هتكون جــــريمتي ولـــيدي أشـــيله علي باطي

هناك 11 تعليقًا:

  1. الله اكبر عليك
    بسم الله ما شاء الله
    بس تفتكر ان الحب جريمة وخطية ؟؟
    رائعه يا شاعر البلوجر

    ردحذف
  2. جميلة اوووى اوووى يا احمد
    بس ما تبحث عن الموجه
    الامواج لا تبحث عنها
    فهى موجوده فى بحور الحياه
    تسلم ايدك
    بس الحب عمرة ماكان خطية ولو كان انت بايدك وبقوتك هترتكب خطية وجناية كبيرة
    ربنا يوفقك

    ردحذف
  3. أحمد بجد قول كمان أنا حقيقى بقرأ ليك و أنا مش عايزه الكلام يخلص أبدعت...أبدعت

    ردحذف
  4. أكثر من رائع

    أحييك بجد

    فشعرك العامي ينافس شعرك الفصحى في الجمال وروعه التعبير

    تحياتي

    ردحذف
  5. اوعى تخبط فى الحلل
    ولا توصف الحب بالخطيه
    عمر ما كان الحب خطيه .. الا اذا كان فى الظلمه

    دمت يا شاعر الصعيد

    ردحذف
  6. تسلم أيدك يا مبدع

    فرعــــت يا حـــب شجرك مــن قـلب أحزاني

    قلبك مليان حزن ليه يا شاعر
    وكلماتك بتنزف وجع ليه

    عايزه حاجه تحسسني بالفرح شويه

    أسعدك الله

    ردحذف
  7. الله
    كلمات جميله
    تسلم ايدك

    ردحذف
  8. هو اللى يخلص لحبه يكون يا ناس خاطى

    الله عليك يا شاعرنا
    متألق دائما

    ردحذف
  9. ما اجمل الخطايا ان كانت حب

    شيله وانت متفشخر به

    ردحذف
  10. جميييييييل
    جداااااااااا

    بس الحب مش كده ابدا
    ولا عمره هيبقا كده

    ردحذف

مرحبا بكم دائما