الأحد، 26 سبتمبر، 2010

الخطـــية



فرعــــت يا حـــب شجرك مــن قـلب أحزاني

وأنا بأملك ايه غير مودة وخناجر في أحضاني

مكــــسور يا قلـــبي ومـــــين يجــــبرك تـــاني

ومين يخـــفف طـــعن السيوف اللي جارحاني


*******

لفــــيت الـــمديــــنة اللـــيل مالقـــتش جــناينها

حــــتي عــــيدان البــــخور ريحـتها كارهيـنها

يا اللي ركـــبت البـــحور تبحث عــــن الموجة

الموجة عـــالــية عليك وصــخورها شايلـيـنها


*******

مـــن بعيد أشـــوف القمر عالي ومــش واطي

هـــو اللي يخلص لحبه يصـير يا ناس خاطي؟

ان كان الحـــب يا حبيبتي جـــريمة وخطــــية

هتكون جــــريمتي ولـــيدي أشـــيله علي باطي

هناك 11 تعليقًا:

الحب الجميل يقول...

الله اكبر عليك
بسم الله ما شاء الله
بس تفتكر ان الحب جريمة وخطية ؟؟
رائعه يا شاعر البلوجر

موجة يقول...

جميلة اوووى اوووى يا احمد
بس ما تبحث عن الموجه
الامواج لا تبحث عنها
فهى موجوده فى بحور الحياه
تسلم ايدك
بس الحب عمرة ماكان خطية ولو كان انت بايدك وبقوتك هترتكب خطية وجناية كبيرة
ربنا يوفقك

star يقول...

أحمد بجد قول كمان أنا حقيقى بقرأ ليك و أنا مش عايزه الكلام يخلص أبدعت...أبدعت

sweet angel يقول...

جميل اوي يا بابا

فتاه من الصعيد يقول...

أكثر من رائع

أحييك بجد

فشعرك العامي ينافس شعرك الفصحى في الجمال وروعه التعبير

تحياتي

mrmr يقول...

اوعى تخبط فى الحلل
ولا توصف الحب بالخطيه
عمر ما كان الحب خطيه .. الا اذا كان فى الظلمه

دمت يا شاعر الصعيد

من كل بستان زهرة يقول...

تسلم أيدك يا مبدع

فرعــــت يا حـــب شجرك مــن قـلب أحزاني

قلبك مليان حزن ليه يا شاعر
وكلماتك بتنزف وجع ليه

عايزه حاجه تحسسني بالفرح شويه

أسعدك الله

عمرو يسرى يقول...

الله
كلمات جميله
تسلم ايدك

بــــ الخطاب ــن يقول...

هو اللى يخلص لحبه يكون يا ناس خاطى

الله عليك يا شاعرنا
متألق دائما

richardCatheart يقول...

ما اجمل الخطايا ان كانت حب

شيله وانت متفشخر به

داليـ ـ ـ ـ ـ ـ ــــا يقول...

جميييييييل
جداااااااااا

بس الحب مش كده ابدا
ولا عمره هيبقا كده