الأربعاء، 22 سبتمبر 2010

بيان لحقير

حصل النهاردة الصبح اني بفتح المدونة عندي لقيت في الريدر عنوان غريب جدا ً
وكان في مدونة سويت أنجل (مروة ) بنتي وأغلي حد عندي في المدونين
شدني جدا لأنه كان مثير
(أحمد الصعيدي إنسان غير سوي )
ولأني أعرف مروة كويس وأعرف أخلاقها وأدبها وإحترامها وخاصة ليا أنا مصدقتش
إتصلت بيها :
السلام عليكم
عليكم السلام
إزيك يا مروة
أهلا يا بابا أحمد
مروة إنتي نزلتي بوست عني في مدونتك بيقول أحمد الصعيدي إنسان غير سوي
طبعا لا
طيب يا بابا
مش مهم مين يشتم المهم انتي بالنسبالي ملعون أبو المدونات حتي لو هأسيبها
أنتي بنتي الغالية لو سمحتي يا مروة متشيليش البوست ده
ليه يا بابا ؟
مش مهم بقا خلي اللي يقول يقول اللي عنده حاجة يظهرها للناس
بس أنا هأشيله
وبعد حوار طويل
خلاص يا بابا زي ما تحبي
خدي بالك من نفسك
حاضر يا بابا
مع حبة ضحك
السلام عليكم
عليكم السلام ورحمة الله
وبعدين بدأت في شغلي كان في مشاكل كتير في شبكة الكمبيوتر
والساعة خمسة ونص عصرا فوجئت بأن مروة في المستشفي
بسبب إن كلب وحقير وانسان معندوش دين اللهم اقتص منه في الدنيا
بالشلل التام في جسده ولسانه فوجئت إنه بعتلها ايميل علي إعتبار إنه
إيميلي بيقول أنا مصدق كل اللي انتي عملتيه في المدونة وانتي فعلا كتبتي
عني كدة وانتي انسانة مش محترمة ومش مؤدبة
وحاليا مروة في المستشفي عندها إنهيار عصبي وربنا يستر ويكون خفيف
لأنه إحتمال يؤثر معاها في المخ وأنا قررت أنزل البوست ده واسيبلكم التعليقات
وكل إنسان يدخل يعلق وياريت يدعي علي الشخصية الشريرة دي سواء ولد ولا بنت
بدعاء موحد :
اللهم صب عليه غضبك و شل لسانه وجسده
حسبي الله ونعم الوكيل
السلام عليكم ورحمة الله

هناك 16 تعليقًا:

  1. اللهم صب عليه غضبك وشل لسانه وجسده

    ردحذف
  2. لا حول ولا قوة الا بالله العلى العظيم
    ليه بس كدا
    مروة فى المستشفى؟؟؟
    دا انا مكلمها الصبح ومطمنه عليها
    هقول ايه بس
    منه لله بجد اللى كان السبب
    ربنا يطمنا عليها يارب
    وحضرتك يا شاعر مشفناش منك الا كل الخير
    معليش
    ربنا يستر

    ردحذف
  3. يا ساتر يا رب

    طيب أزاي عمل كده ...دخل مدونتها أزاي

    طيب وهي عامله ايه طيب :(

    اللهم صب عليه غضبك وشل لسانه وجسده

    ردحذف
  4. لا حول ولا قوه الا بالله العلى العظيم
    يارب اعف عن مروه
    وجازى اللى كان السبب

    ردحذف
  5. يا ساتر يارب
    اذاى كده بس معقول البنت فى المستشفى
    ربنا يعفى عنها وتقوم بالسلامه
    ملعون ابو المدونات اللى تسبب الاذى للناس
    ربنا يكون معاها ويطمنا عليها
    ربنا يجازى كل واحد حسب اعماله

    ردحذف
  6. ايه دا هو فى ايه جرى ايه ياناس فى الدنيا فى اذى كده وفى شر كده

    يا ساتر يارب

    قدر يدخل مدونتها ينزل بوست وقدر يبعت ميل باسمك ايه العقول اللى ابليس يحتار فيها دى

    حسبيى الله ونعم الوكيل يقعدله فى صحته وعافيته دا مش بنى ادم

    اللهم صب عليه غضبك وشل لسانه وجسده

    يارب نطمن على سويت انجل يارب
    يشفى عنها يارب
    حسبنا الله ونعما الوكيل
    حسبنا الله ونعما الوكيل
    اللهم صب عليه غضبك وشل لسانه وجسده

    ياريت يا احمد تطمنا عليها لو سمحتك
    لو جتلك اى اخبار عنها من فضلك

    ردحذف
  7. أزال المؤلف هذا التعليق.

    ردحذف
  8. حول ولا قوة الا بالله .. ايه اللي بيجرا في الزمن ده؟؟! الف سلامه عليكِ اختي الفاضلة .. ولا يهمك يا استاذ احمد ربك منتقم جبار...

    ردحذف
  9. معلش فى السؤال...

    يعنى هو اخد المدونه بتاعتها ..و قال اللى قاله...و بعدين اخد مدونتك و عمل اللى عمله...

    انا طبعا مش بشكك ان حضرتك احمد الصعيدى اللى عامل البوست

    بس ان من موقف زى دا يجيلها انهيار عصبى؟؟؟

    واضح ان الموقف صعب بشكل انا مش عارف اتخيله

    ملحوظه
    انا لما كتبت و رديت عشان انا مهتم انى اعرف..مش عشان اشك فى اى حد

    ردحذف
  10. سبحان الله في ناس هوايتها أذى الأخرين
    وتنغيص حياتهم

    اللهم كف أذى الأخرين عنها وعافها وأعف عنها

    وانتقم من هذا الشخص
    ورد كيده في نحره

    ردحذف
  11. بصراحه انا معرفهاش بس الله يكون فى عونها و يسلمها بالسلامه بس انا مش فاهمه أزاى قدر يعمل كده ياعنى ازاى قدر يدخل على مدونتها و كمان يعرف الميل بتاعها و يبعتلها الكلام ده؟؟؟؟؟
    ده أنسان معدوم الضمير والأخلاق و عمتا حسبى الله ونعم الوكيل فيه
    هى أقوى دعوى يا أحمد لأنك كده بتسيبه للخالق يجازيه على قد فعله

    ردحذف
  12. انا شفت من أول ما البوست نزل

    بس معرفتش اكتب أى حاجة الصراحة

    لأنى للأمانة معرفش حضرتك و حتى سويت انجل

    عارفها بس هى مبتكتبش كتير

    بس هى محترمه فى موضوعتها و تعليقتها

    و انا معرفش ليه السفالة دى الصراحة

    دا انا قلت هنا مش هلاقى الناس السفلة دى

    ربنا معها و يقومها بالسلامة

    و يا استاذ احمد بجد انا لما دخلت عندك هنا

    دخلت علشان الناس المحترمة اللى عندك اللى انا اعرفها

    و اعرف ان اختيرهم ليك لأن اكيد انت محترم زيهم

    ارجو من الله ان تمر هذه السفالة على خير يا رب

    وربنا يعاقب الشخص دة ع السفالة دى

    ردحذف
  13. طمنا على مروة

    ردحذف
  14. ثقافة الهزيمة.. أسكندرية ...ليه؟

    متحف الأسكندرية القومى والمتحف اليونانى الرومانى و متحف المجوهرات الملكية و متحف الفنون الجميلة و متحف الأحياء المائية و متحف محمود سعيد ، و قلعة قيتباى و قصر المنتزة و مكتبة الأسكندرية الجديدة و الميناء الشرقى و حديقة أنطونيادس و نصب الجندى المجهول.

    ومن الآثار الرومانية الموجودة بالإسكندرية المسرح الرومانى و عمود السوارى و معبد الرأس السوداء وحمام كوم الدكة الرومانى والذى أقيم على طراز الحمامات الرومانية القديمة ، و مسجد سيدى بشر ومسجد سيدى جابر ومسجد القائد إبراهيم ومسجد المرسى أبو العباس، وكاتدرائية الكرازة المرقسية وكاتدرائية اليونانيين الأرثوذكس و كنيسة سان مارك.

    محطة الرمل وكامب شيزار وسان ستيفانو وسيدى بشر ، و طريق الجيش الممتد بمحاذاة الكورنيش ، و سى جل للأسماك فى أبوقير و بحرى، و جيلاتى عزة و جيلاتى النظامى و قدورة للأسماك فى بحرى ، و شارع سعد زغلول و شارع صفية زغلول وفول محمد أحمد و حلوانى طلعت وهريسة الحلبي و البن البرازيلى فى محطة الرمل، و حلواني صابر بالأبراهيمية، و مشويات أبن البلد بمصطفى كامل، و سان جيوفانى فى ستانلى ، و مول سان ستيفانو ، و مشويات حسنى بالمندرة ،و مشويات بلبع فى سيدى بشر قبلى، و حلواني شهد الملكة فى ميامى و فيكتوريا، وركوب الترام من غير محطة محددة فقط كى تتفرج على الأسكندرية من شباك الترام و أهل الأسكندرية الطيبين.

    هذة بعض ما تحتويه مدينة الأسكندرية من معالم سياحية و مع ذلك لا تجد مدينة الأسكندرية على خريطة المدن السياحية الجديرة بالزيارة فى مصر فى مكاتب السياحة بالخارج و التى تنظم لها رحلات سياحية..

    باقى المقال ضمن مقالات ثقافة الهزيمة بالرابط التالى www.ouregypt.us

    ردحذف
  15. لاحول ولاقوة الا بالله

    ربنا يخفف عنها

    ربنا ينتقم من االلى كان السبب

    ردحذف
  16. انا نزلت حلقه جديدة من قلوب بلامرسى :)

    ردحذف

مرحبا بكم دائما