الأحد، 12 سبتمبر 2010

جناح الشوق




الليل .. والحرف .. والقلم


والنجوم في السما شمعات


بتلم حزن المشاعر


وترش مع النسيم حبات


تحيي ظلام شاعر


وتبدر احلام بالامل جايات


الموج سبيلي


وسلسبيل عنيك نهري


تطر ح ورود


وتمحي من الوجود


أحزان ملت عمري


الليل .. والحرف .. والقلم


وأنا وأنتي والنسيان


لو جف يوم القلم


أو حرفه قاد أحزان


الليل يلم الهوي


ويبعد عن الهجران


يحلم بحضن العنين


يسقيكي شهد الحنان


واللمسة ملو الايدين


متعطرة بريحان


علمتي قلبي الهوي


يا حلم مستني


عشقت فيكي النهار


والرمش والنني


يا سحر فرعوني


وعوده متحني


إفرد جناح الشوق


قبلن تضيع مني

هناك 12 تعليقًا:

  1. ايه ده بجد ايه الكلام ده لا بص من كل اللى قرأت ليك ديه المضله ليا
    ده انت حكيت كل حاجه....دمت مبدعا يا أحمد

    ردحذف
  2. مش عارف اقول ايه

    بجد

    حاسس بفرحة فى قريتى بجد

    مزقطط (: هههههههههه

    شكرا أحمد

    زى ما يكون البوست و الشعر جه فى وقته


    (:

    ردحذف
  3. والنجوم في السما شمعات
    بتلم حزن المشاعر
    وترش مع النسيم حبات

    تفائل وسعاده وفرحه
    بعيد عن الاحزان والالام

    تسلم يا شاعر
    انا كمان شاعره
    بس شاعره بصداع رهيب
    ههه

    ردحذف
  4. كل سنه وانت طيب يا مفترى

    ويعود عليك وعلى الاهل بالخير يارب

    وان شاء الله ديوانك ينور الاسواق عن قريب

    ردحذف
  5. لالالالالالالالالالالالالا
    تجنن
    رهيبه
    وأنا وأنتي والنسيان

    الحته دى كلها دلع

    عشقت فيكي النهار

    والرمش والنني

    يا سحر فرعوني

    وعوده متحني

    مع ان كل القصيده سهله النطق وجميله

    سلم الايادى

    ردحذف
  6. http://lahazat-mora.blogspot.com/

    ردحذف
  7. شعرك بالعامية أكثر من رائع

    دمتَ بخير وإبداع

    ردحذف
  8. احساسك رائع ياشاعر
    وكلماتك كلها سهله وممتعه
    وحرفك نور في نور
    تسلم ايديك

    ردحذف
  9. بعد أجمل التعليقات دى أقول اية انا ؟؟؟؟
    جميلة جدا جدا من هنا للتانى يووووم

    وعلى رأى الأخت مارو
    يا مفترى
    هههه
    والله شكلك هتنحسد مننا ومش هتعرف تتكتب تانى
    دمت مبدع يا شاعـــر البلوجــــر

    ردحذف
  10. الله على الجمال

    هو ده الابداع

    بكون سعيدة لما بدخل مدونه صاحبها

    بيكون موهوب وبارع

    اشكرك على همساتك الرائعه

    ردحذف
  11. جميله يا ابوحميد
    تسلم الأيادى

    ردحذف

مرحبا بكم دائما