الخميس، 25 يونيو 2009

بداية ونهاية



هنا كانت البداية

.

ومن هنا تبدأ النهاية

.

**************


فرعت يا حب شجرك من قلب أحزاني



وأنا بأملك ايه غير مودة وخناجر في أحضاني



نصين يا حب ومين يجبرك تاني



ومين يخفف طعن السيوف اللي جارحاني




***



لفيت المدينة الليل مالقتش جناينها



حتي عيدان البخور ريحتها كارهينها



يا اللي ركبت البحور تبحث عن النجمة



الموجة عالية عليك وأمواجها شايلينها




***



من بعيد أشوف القمر عالي ومش واطي



هو اللي يخلص لحبه يصير يا ناس خاطي؟



ان كان الحب يا حبيبتي جريمة وخطية



هتكون جريمتي وليدي أشيله علي باطي.




***


يا ناس قتيل الغرام أنا وهمي من دمي



خدتني عيون حبيبتي نستني حنان أمي



شلت والحمل تقيل وصعيبة قولة أه



وابن الصعيد مايهمهوش إنسي ولا جني

هناك 8 تعليقات:

  1. اسقيها فروعك بدمى لاجل ما تحزن يوم

    ولا يصير فراقك خنجر يدبحنى وأنا منك محروم

    لفيت معاك وفى اجمل جنينه اتقابلنا

    وتحت الشجر دابت وطولت فروعها

    بنسيم الشوق لاشتيقها للندى يعطر ورقها

    عيدان البخور ريحتها بقلوبنا

    وركبنا البحور وعدينا اول خطوينا

    وقربنا ايدينا للسما وهانت ...نطول النجمه

    ومهما يعلى الموج بإيديا امسك بمجدافك

    ويعلى الصوت جوايا وينادى "بحبك"

    ولية يكون الحب خطية مدام فى قلوبنا طاهر

    اوعاك فى يوم تقول اه ...دةالقلب لو صدق يوم

    يتحلى بدقة حتى لو ممزوجة بصرخة

    ولولاك يابن الصعيد ماعرف الخوف طريق قلبى

    ردحذف
  2. السلام عليكم
    شاعر غنائى رائع يا أحمد
    وتمتلك كل مقومات الموهبة
    يا ناس قتيل الغرام أنا وهمي من دمي

    خدتني عيون حبيبتي نستني حنان أمي

    شلت والحمل تقيل وصعيبة قولة أه

    وابن الصعيد مايخاف من إنسي ولا جني
    تقبل مرورى

    ردحذف
  3. حضرة الصعيدى الهمام
    السلام عليكم
    كلمات جامدة جداً وهايلة
    فرعت يا حب شجرك من قلب أحزاني

    وأنا بأملك ايه غير مودة وخناجر في أحضاني
    دمت بكل الخير

    ردحذف
  4. جميله يااحمد مع انى مش بحب شعر العاميه بس عجبتنى اوى هى والقبلها حسيتها مليانه احساس اوى بس بجد جميله تسلم ايدك

    ردحذف
  5. اسلوبك جميل وكلمات حلوه
    انا و انا بقراها كنت اتخيلها فى لحن حزين لكن يصفق له المستمعون بعد الإنتهاء من الإستماع

    ردحذف
  6. السلامـ عليكمـ

    لكل بدايه نهايه

    ولكن

    ما كان لله دام واتصل وما كان لغيره انقطع وانفصل ..

    اسعدك الله بما تحب وتتمني ..

    ردحذف
  7. ليه كل الحزن ده الدنيا حلوة
    حاول تعيش الدنيا وتعرف انها كل يوم فيها جديد وان في ناس بتحبك وانت ما تعرفهاش


    أول تعليق أظن من ماضي
    كلامه بيقول كده

    ردحذف
  8. يا ناس قتيل الغرام أنا وهمي من دمي


    خدتني عيون حبيبتي نستني حنان أمي


    شلت والحمل تقيل وصعيبة قولة أه


    وابن الصعيد مايخاف من إنسي ولا جني


    راااااااااااائع

    رااااااااائع

    باحيييييك على ابداعك المتواصل

    تحياتي

    ردحذف

مرحبا بكم دائما