الثلاثاء، 23 يونيو، 2009

عابر سبيل

.
في اللحظة التي فقدت فيها حبيبتي
.
وأستجمعت فيها قدراتي الشعرية
.
وأكتشفت فيها زيف اللسان والكذب والنفاق
.
واللا أمانة والتعدي علي حرمات الدين
.
لايمكن أن أكون إلا عابر سبيل
.
(أحسبه الوداع الأخير )
.
والله المستعان
.
*******

موت يا قلب


لما يبان لك صاحب


الحب قال كلمته


لا قاضي ولاحاجب


ومادام ماعرفتش تكون انسان


لفظوك قلوب النسا


من هوان لهوان


اطلع من اصلك وتوبك


وانسي الصورة والعنوان


محنية عينك والبصة ليه


مابانش ليها بيان ؟


عدي وفوت


دوس ع البيوت


وقف زمانك


وإمحي مجئ المكان


ارفع صوتك لجل ما تسكت النسوان


***
من بعيد أشوف البسمة ملو الورق


بسمة مليانة بجهد العرق


أنا اللي عشت أسقي الحب للعاشقين


لحد ماعمري مني اتسرق


والقلب مني اتحرق


سلمت قلوعي للغربة


اكلي وزادي الغنوة ع التربة


كلوا واشربوا أكلي وزادي


أنا لاهأهجر يوم غربتي


ولاهأرجع في يوم لبلادي


بإيه تفيد يا حب شاب مطفي العيون


كاره زمانه وهارب من سجون الكون


شاب في كل الأرض العريضة


بأحلم بنجمة بيضة


منورة في ايديا


تزيل ظلام الكون حواليا


نجمة تصبح في الشوارع ناس


تحميني من الحراس


تسلملي ع اللي كسر رمشي


تاخدهولي بالحضن وبعدين تمشي


أه.. لو ضاع مني زماني


ونسيتني أحضاني


أه.. لو أفقد مكاني


كل ما أخرج من مكان


ما أرجعش ليه تاني

هناك 6 تعليقات:

الأمير يقول...

هو انا اول تعليق بجد ولا بتهزرواااا

عموما انا قرأت

يأس تنبض به كلماتك
حزن تأصل فى حروفك

ربما من لـ إحساسك اتى كلامك
ففى تلك اللحظه انا اصدقك
فى كل كلمه

ولكن ماذا بعد ان هدأت ..؟
اكل شىء كما هو ..؟

هل انت حقا شاب هارب من سجون الكون ..؟

ان كان نعم
فعليك ان تحول هذا السجن
الى حياه سعيده
لاننا بإختصار سجناء معك

---------

تحياتى ..؛؛

الأمير يقول...

وعاوز نص جنيه حق الرد الاول

ههههههههههه

الأمير يقول...

وعاوز نص جنيه حق الرد الاول

ههههههههههه

حياة يقول...

مهما حصل القلب لا يموت ما دام بداخله ذرة حب

تحياتى

dodo يقول...

السلام عليكم
ايه ياعم الكلام الجميل ده وايه الاحساس الطاغى على الكلمات
وكانها تروى لنا قصه حب ضاعت
بس مش تبص وتزعل على اللى فات وانظر للى بعد كده اكيد هايبقى افضل وهاتختار افضل من اللى فات

غير معرف يقول...

عامية ولا أروع رغم الحزن اللي بيها
ولكن قصائدك الرومانسية طبعا أجمل
وتجعلني أحبك
في صمت
سامية