الأحد، 19 أبريل 2009

حالة حب


يكون بين القلب والعقل حوار في الحب

ودائما يصحبه التناقض وقلما وجد العكس

وذاك حوار متناقض ما بين عقل وقلب


قلبي


أحضن حبيبتي وأزقطط


وأعمل قال يعني ايه


وأجري وأطير وأتنطط


مين قدي ماأفرحش ليه



عقلي


يا فلب روق وصحصح


حبك ده مش مضمون


مهما حبيبك يحبك


ممكن يا سيدي يخون



قلبي


هس يا حب هس


اوعاك تصرخ بحس


أنا وحبيبي بس


والباقي كله ..




عقلي


حبيبك مهما يسأل


سيبه يبلع زلط


اتقل يا قلب اتقل


حسابك دايما غلط



قلبي


عاين وشوف الكون


أصل الحب الجنون


من غير حبيبي ده


لا ممكن يوم أكون



عقلي


انا أصل الحساب


بالنوتة وبالكتاب


أقسم وأجمع وأطرح


وأبعد عن العذاب




قلبي


يا حاللولي يا حاللولي


حبيبي ليا كلي


مهما يا عقل تقوللي


هأفضل كدة تمللي




وعام من بعد عام


وبعد طول منام



جاني القلب يقوللي


كل كلامك تمام




بس أنا حبيته


وهو ما حبش


ولما ناديته


سمعني ما ردش




ياريتني يا عقل


سمعت كلامك


ويا قلب يا كلب


نسيت أحلامك




بس خلاص


مافيش اخلاص


اللي يحبنا تاني نحبه


واللي يسيبنا وراه بلاص




قلبي معايا أهوا


فيه لسه شوية قوة


واللي يطلب هوانا


لازم يجينا هوا

هناك 5 تعليقات:

  1. اووووووووووووول تعليق
    ههههههههههههه

    ردحذف
  2. السلام عليكم ورحمة الله وبركاته
    ايه ياصعيدى الكلام الجامد
    ده
    شكلك كده بتلعب بعداد عمرك
    ههههههههههههههه
    بوست هايل
    أحيك عليه
    دمت بألف خير
    إيناس

    ردحذف
  3. حضرة الصعيدى الهمام
    كنت أود أن أقرأ البوست الجديد لأستمتع ولكن للأسف لم أستطع لكبر حجم الخط جدا فأرجو منك عمل تظبيط للخط
    دمت بكل الخير

    ردحذف
  4. السلام عليكم

    فى شئ غلط فى البوست انت بتلعب فى عداد المدونة ولا اية ولا بتلعب فى الخط انا مفهمتش شئ الا اول سطرين

    تحياتى

    ردحذف
  5. بس خلاص

    مافيش اخلاص

    اللي يحبنا تاني نحبه

    واللي يسيبنا وراه بلاص

    قلبي معايا أهوا

    فيه لسه شوية قوة

    واللي يطلب هوانا

    لازم يجينا هوا

    تحفهههههههههه

    هما دول الخلاصه

    ردحذف

مرحبا بكم دائما