الجمعة، 17 أبريل 2009

قتديل الحب








لفيت بلاد أبحث عن الطبيب والأمل






اداني دوا لجرحي يدوب اكتمل






اتفتح الجرح من جديد فيا






دواك خلص يا طبيب .. وإيه العمل




***








انت بعيد يا طبيب عن أرضنا






حتي نجوم السما نسيت كلام حبنا






الحزن بقي مالي المكان يا طبيب






من يوم غيابك ما دقنا طعم الهنا








***



قلبي مجروح أنا من الوجع ينزف






والدنيا مالها طعم .. أنت أكيد تعرف






كنت قنديل الضيا تنور لياليا






وإن هان عليك الحب.. مركبي يحدف








***



الشمس والقمر ضياءهم من شعاع واحد






والخوف في ليل الضلام ..صبح مارد






جريت وراه ...لجل ما أخوفه






لقيته مجروح... أتارينا بنشرب في كاس واحد








***



أنا غياب خلي علمني الملل






كسر همتي وصابتني كمان العلل






الحزن زي الفرح ..الأتنين بطعم المر






كشف طبيب تاني قاللي..معمولك عمل












هناك 6 تعليقات:

  1. بخخخخخخخخخخخخ

    اول تعليق

    جميل اووووووووووووووى يا صعيدي

    اوووووووووووووووووى

    بس خلى في فتره بين البوستس علشان الناس تقدر تستمتع بكلامك

    باى

    ردحذف
  2. مش مشكله تانى تعليق وأمرى لله
    هههههههههههههه
    غرور أخت فاضله ولحقت أول تعلق
    ههه

    ردحذف
  3. السلام عليكم
    هههههههههههههههههه
    بدون هنوان
    جامده ياصعيدى والله
    بس فى شيخ جنبنا جامد قوووى بيفك الأعمال ممكن تيجى أحجزلك
    هههههههههههههههههه
    ولا وانا مالى للأحسن تدبسنى فى حق الكشف
    وأنا مفلسه اليومين دول
    بوست رائع أحيك عليه ياأستاذ
    أحمد
    بارك الله فيك
    وجعلها جمعه مباركه على الأمه الاسلاميه
    تقبل تحياتى
    وسلالالالالالالالالالامى

    ردحذف
  4. بقولك أيه يا أحمد
    ممكن تدعيلى من قلبك لأنى فى ظروف كده
    ربنا يارب يفك كربنا
    دعواتك بقلب صادق
    تقبل تحياتى
    من قلب مجروح ومظلوم

    ردحذف
  5. غرور؟؟؟؟؟؟؟؟؟؟؟؟؟؟؟

    ردحذف
  6. شاعر الصعيد
    السلام عليكم
    إيه يا صعيدى الحلاوة دى
    إنت بتجول كلام حلو
    إجده
    زين ولا زين
    ( لو إنت صعيدر بحج وحجيج فسر كلامى )
    دمت مبدعا

    ردحذف

مرحبا بكم دائما