الاثنين، 20 أبريل 2009

البلياتشو




سيرك الحياة مـــــــاله زي

ناس بتيجي ونـــاس تروح

واللــــــــي غايب بكرة جاي

اللـــــــــــــــــــه حــــــــــي

*******

ناس بتحيا مـــــن العــــــــــــــــدم

ونــــاس بتنــــساها الســــــــــنين

دنـــــــيا ياما فيها أشرار وطيبين

وكلنا في لحظة الموت مغمضين

*******

دنيا طــــــــــظ فش

معجونة بألف وش

ياه

هو ده تراب الحياة

هو لما ربنا خلق أدم وإصطفاه

كان قالــه... علم ولادك الغش

دنيا والأصيل فيها اندفن

يـــــــعدي بحور وبحور

لا يسد جحور العـــــــفن

ولا يلاقي تمن الكـــــــفن

كان ممكن أعيش ولو في غابة

وأقسم لقــــمتي ويـــــــا الديابة

بس أنــــــا مقدرش أعيش كدة

ورغم اني بلياتشو جاهل

ودة شئ باينله ساهل

لكن صــــــدقوني.....

بأحس انـــــي بطلع....

يا ناس برة هدومي

وبسأل يا تري اللي بيشوفوني

لو مرة يقابلوني ................

في الشــــــارع .. هيعرفوني؟

مش ممكن يعرفوني ...

مش ممكن يفهموني ...

ويقولوا اني بضحكهم لكن دمعي في عيوني

العــــمر ماشي بينا
وكلنا ماشيين وراه

وكل راكب لابد يوم
يوصل أخر مداه

*********
*******
*****
***
*

هناك 9 تعليقات:

  1. سيرك الحياة مـــــــاله زي
    ناس بتيجي ونـــاس تروح
    واللــــــــي غايب بكرة جاي
    اللـــــــــــــــــــه حــــــــــي
    جميل قوى ياصعيدى كلامك جميل بجد والله
    هى فعلآ حياتنا عامة زى السيرك
    بصراحه البوست فى حقائق لبعض الناس كتير قوووى
    ياااااااااااااااااااه
    دمت مبدع الله يكرمك
    يارب

    ردحذف
  2. في صورة دايما ظاهرة فوق جزء معين في البوست عند حضرتك بتخليني مش عارفة اكمله

    يعني بتبقي مدارية جزء من الكلام
    مش عارفة المشكلة دي عندي بس و لا عند كل الناس

    هي ظاهرة من ساعة البوست اللي فات

    ردحذف
  3. جميله اوووى

    في اجزاء عجبتنى جدا

    بس في جزء من غير متزعل منى حسيت كده ان شحاته

    من صلاح جاهين

    اللى هو ده

    بلياتشو ولـــــــو ألـون وجهي ألف لون......

    ولـــــــــو يستخبا ورا ضحكتي عفن السكون

    ولو أكون وسط الناس مهرج .. أو مش أكون

    حالف مـا أندم علي أصحاب ماصاحبتهمش...

    ولا فلوس كان ممكن أعملهم وما عملتهمش..
    ولا حبايب كان ممكن أعيش معاهم ..وماكانش



    شبه واحده من رباعياته جداااااااا


    بس عموما حلوه اوى

    تسلم الايادى يا صعيدي

    ردحذف
  4. حضرة الصعيدى الهمام
    كنت عاوز أسألك سؤال
    هى عاشقة الأحزان نايمة فى مدونتك ؟
    إفتكرت هكون أول تعليق وكل مرة أجدها أول تعليق
    هههههههههههههههه

    ردحذف
  5. حضرة الصعيدى الهمام
    كنت عاوز أسألك سؤال
    هى عاشقة الأحزان نايمة فى مدونتك ؟
    إفتكرت هكون أول تعليق وكل مرة أجدها أول تعليق
    هههههههههههههههه

    ردحذف
  6. حضرة الصعيدى الهمام
    فعلا كل ما قلته فهو صحيح
    تقاس الناس فى هذا الزمن
    بالمظاهر الكاذبة الخادعة
    والأصيل يهان ولا يسأل عنه
    أحد
    دمت بكل الخير

    ردحذف
  7. السلام عليكم

    كلماتك جميلة بس انت كنت بتركز على انك تزبط القافية بس اعتقد انها فلتت منك فى الجزء الاخير سيب الكلامات بتعتك تكون زى الشعر الا طاير فى الهوا بدون ما تمسكة


    رجاء فى مشكلة عندك فى المدونة فى الديزاين ياريت تاخد بالك منها

    ردحذف
  8. السلام عليكم
    ترجع لينا بالسلامه منتظرينك بألف خير يا احمد
    ربنا يحميك
    وترجع بخير
    ومتنساش الهدايا وكده
    هههههههههههههه

    ردحذف

مرحبا بكم دائما