الاثنين، 15 أبريل، 2013

إرجـــــــعي




إرجعي

******
إرجعي 

خليني أحس بنبض صوتي ف نبضتك 

خليني أشوف الدنيا حلوة ف نظرتك

خليني أعيش فيكي الأمان 

وأنسَي ف حضنك دمعتي 

وأنسَي اللي فات .. وأنسَي اللي كان 

إرجعي 

خليني همسِك

شمسِك 

ضحكتِك 

صورتِك ولمسِك 

خليني أشعُر بالحنان 

خليني لو ف عنيكي دمعة 

أقطفها وأشعُر بالأمان 

ضميني جوة وحدتِك 

نسيني دربي 

وانسِي في حضني سكتك 

ارجعي 

وعلميني ازاي ف بعدك

قلبي يعيش علي طول حزين 

خليني ضي لكل عين 

غنوتِك 

فرحِك وزادِك 

نجمِك وقمرك 

ليلك وسهرك 

خليني ضل لإمتدادِك 

خليني لو يوم تنتهي مني حروفي 

ألقا في سطوري بلادِك 

ارجعي

هناك 6 تعليقات:

أحمد الصعيدي يقول...

علميني ازاي ف بعدك

قلبي يعيش علي طول حزين

خليني ضي لكل عين

ليلى الصباحى.. lolocat يقول...

بعد كل الاحساس ده والحروف الرقيقة والمشاعر الدافئة اعتقد لازم ترجع :)

مليون مبروك رجوعك انت لمدونتك ولحرفك الجميل ياصعيدى وياريت ماتطول الغياب تانى عن مدونتك ومكانك الجميل هنا

تحياتى لك بحجم السماء

من كل بستان زهرة يقول...

لسه شاطر زي ما أنت
وكلامك لا يعلى عليه :)

Story pain يقول...

الاول لازم نقول( عودا حميدا)

خليني ضي لكل عين
غنوتِك
فرحِك وزادِك
نجمِك وقمرك
ليلك وسهرك
خليني ضل لإمتدادِك

ابيات رائعة
مبدع كما عهدناك

غير معرف يقول...

هه
مين ترجع
انت وديت العروسه فين ياعم

Sweet angel

مشاهد عربي يقول...

ترى متى سترجع؟
ترى هل هي البلاد ام الحبية؟
ولكن كلاهما واحد..
تحياتي على القصيدة الرائعة