الاثنين، 19 ديسمبر 2011

كرهت أحضانك


أخر كلامي ليكي كلمة حب

هأقولهالك خلاص وأمشي

وأمسح دموعي من علي رمشي

ييجي بكرايا أو ميجيش

تغني دنيانا أو حتي متغنيش

أصبح بدونك طفل يتيم

أو حتي ما أتيتمشي

خلاص هأمشي

وأبقي لوحدي في الملكوت

وأنسي اللي حبيته

جناين و سكك وبيوت

مادمتي بتجهلي شانك

وبتقولي بكل غباء

 هديت مدنتك

 وكسرت صلبانك

وقطعت لون خضرتك

وحطمت جدرانك

وغيرت لون نيلك

وحرقت فدانك

ونسيت احساس ندهتك

وكرهت أحضانك

يا مصر وانتي أحزاني وموالي

وهمي وعزوتي وجرحي

يا دبكة حزن حسيتها

وفرحتلها لما خلص فرحي

وحبة دمع ويا الهم

خديهم أهم

متلوثين بالدم

شايلين جراح الميدان

متعطرين بالسم

طاروا في ليلة عيد

وكفن الشهيد متمد فوق الإيد

قومي يا مصر وناديني

يمكن تحتاجيني شهيد

واتهني بشهادتي

 هتلاقي فيها إرادة

تحييكي بإرادتي

وانتي عروسة صيف

ع البحر بتخطي

وطرحتك بيضا بياض التلج

وعليها رسمة حب من خطي


هناك 11 تعليقًا:

  1. لاإله إلا الله محمد رسول الله

    ردحذف
  2. حفظ الله ام الدنيا من كل شر
    وابعد عنها شر الفتن

    ردحذف
  3. جميله اوى الكلمات بجد ربنا يحمى ام الدنيا مصر

    ردحذف
  4. مصر فعلا لا تستحق أن تمر بالألام والجروح المتكرره

    ربنا يحمى مصر وكل واحد بيحاول يصلح فيها ويبنبها

    ردحذف
  5. مش قولتلك يا فنان يارب تكون شاعر كبير مثله

    لولا

    ردحذف
  6. صباح الحب

    صباحك قصيده حب نديه

    بت لا اقوى على كبح جماح اشواقى

    صباحك رضا تؤام الروح

    ردحذف
  7. انت وحش يا صعيدي ليه مش بترد على التعليقات

    انت عارف انى بحب اللغه العامية ططبعا

    بس عجبتنى اووووووى لست اعرفها اللى فاتت كمان

    ردحذف
  8. --------------------------------------------------------------------------------------
    إحصل على خصم 500 جنيه مصري

    عند تعاقدك على موقع إنترنت مع شركة إم إتش سايتس
    لتصميم وبرمجة مواقع الإنترنت
    لابد من ذكر الكود ليتم تفعيل الخصم
    كود الخصم : mh-3084
    www.MH.com.eg
    ------------------------------------------------------------------------------------

    ردحذف

مرحبا بكم دائما