الاثنين، 19 ديسمبر، 2011

كرهت أحضانك


أخر كلامي ليكي كلمة حب

هأقولهالك خلاص وأمشي

وأمسح دموعي من علي رمشي

ييجي بكرايا أو ميجيش

تغني دنيانا أو حتي متغنيش

أصبح بدونك طفل يتيم

أو حتي ما أتيتمشي

خلاص هأمشي

وأبقي لوحدي في الملكوت

وأنسي اللي حبيته

جناين و سكك وبيوت

مادمتي بتجهلي شانك

وبتقولي بكل غباء

 هديت مدنتك

 وكسرت صلبانك

وقطعت لون خضرتك

وحطمت جدرانك

وغيرت لون نيلك

وحرقت فدانك

ونسيت احساس ندهتك

وكرهت أحضانك

يا مصر وانتي أحزاني وموالي

وهمي وعزوتي وجرحي

يا دبكة حزن حسيتها

وفرحتلها لما خلص فرحي

وحبة دمع ويا الهم

خديهم أهم

متلوثين بالدم

شايلين جراح الميدان

متعطرين بالسم

طاروا في ليلة عيد

وكفن الشهيد متمد فوق الإيد

قومي يا مصر وناديني

يمكن تحتاجيني شهيد

واتهني بشهادتي

 هتلاقي فيها إرادة

تحييكي بإرادتي

وانتي عروسة صيف

ع البحر بتخطي

وطرحتك بيضا بياض التلج

وعليها رسمة حب من خطي


هناك 11 تعليقًا:

نور القمر يقول...

ربي يحميكي يامصر

غير معرف يقول...

لاإله إلا الله محمد رسول الله

جايدا العزيزي يقول...
أزال المؤلف هذا التعليق.
أنثى من حرير يقول...

حفظ الله ام الدنيا من كل شر
وابعد عنها شر الفتن

الــحــــنـــــــــــــــــــين يقول...

جميله اوى الكلمات بجد ربنا يحمى ام الدنيا مصر

المهاجر يقول...

مصر فعلا لا تستحق أن تمر بالألام والجروح المتكرره

ربنا يحمى مصر وكل واحد بيحاول يصلح فيها ويبنبها

لـــولا وزهـــراء يقول...

مش قولتلك يا فنان يارب تكون شاعر كبير مثله

لولا

غير معرف يقول...

صباح الحب

صباحك قصيده حب نديه

بت لا اقوى على كبح جماح اشواقى

صباحك رضا تؤام الروح

غروب يقول...

انت وحش يا صعيدي ليه مش بترد على التعليقات

انت عارف انى بحب اللغه العامية ططبعا

بس عجبتنى اووووووى لست اعرفها اللى فاتت كمان

غير معرف يقول...

--------------------------------------------------------------------------------------
إحصل على خصم 500 جنيه مصري

عند تعاقدك على موقع إنترنت مع شركة إم إتش سايتس
لتصميم وبرمجة مواقع الإنترنت
لابد من ذكر الكود ليتم تفعيل الخصم
كود الخصم : mh-3084
www.MH.com.eg
------------------------------------------------------------------------------------

شهووووده يقول...

الله الله.. صح لسانك