الأربعاء، 14 سبتمبر 2011

اــــــمـي أشــــواقــــنا


إهــــــــــداء

لكل من يلهث وراء لحظة عشق أخيرة

القصـــيدة

بحبك

 نجمة بين أحلامي ألاقيكي

بحبك

 زهرة في أرضي أرويكي

بحبك

 موجة علي شطي أناديكي

بحبك نبض يسقيني عطش عمرك ويسقيكي

بحبك يا حبيبتي بكل ما فيكي

بحبك شمعة منقوشة بالحنة

تاخدني في ايديها علي الجنة

أعيش العمر فيكي سما تغطينا

شوق الغرام بينا يكملنا ويحيينا

نخلع من حبنا توب السكات

ونمحي ضني الماضي اللي فات

ننشل عمرنا الباقي م الضياع

لجل ما نندم في يوم علي حب ضاع

لمي أشواقنا ويلا نعدي بيها

إجمعي اللي تلاقيها منها وأحضنيها

كل اللي تلمحه عنيكي في حبي المسيه

هو ده اللي باقي مني إمسكيه

ارسمي صورة علي جدار عنيا

واكتبي فيها كلمة حب ليا

ودوني فيها اللي حستيه

انقشي حبك في صورتك واعرفيه

واكتبي اسمك عليها وارسميه

وقولي للناس انك اتولدتي من جديد

بترعي أيامك زي ما بترعي الأم الوليد

قبل ما يفوت الأوان

لملمي قلبي اللي باقي

إزرعي في أرضي السواقي

قبل ما يفوت الأوان

إبدري في عمري الأمان

وافتحي للشمس بابك

وامسحي م الكون ضبابك

يمكن تيجي لحظة فيها تنكريني

ترجعي لصورتك وتمسحي ترابها بإيديكي

تذكري أيامنا فيها ....وتذكريني


هناك 9 تعليقات:

  1. كل اللي تلمحه عنيكي في حبي المسيه
    هو ده اللي باقي مني إمسكيه
    ارسمي صورة علي جدار عنيا
    واكتبي فيها كلمة حب ليا
    ودوني فيها اللي حستيه

    أتعجب كيف تكون الحروف مرنة بهذا الشكل البديع بين أيدي الشعراء

    جميلة جدا يا شاعر

    ردحذف
  2. بحبك شمعة منقوشة بالحنا.. تاخدنى فى ايديها على الجنة........... جميل أوى كلامك ومشاعرك..يسعدنى دائما مرورى

    ردحذف
  3. سيدى
    حينما ابحرت اليوم فى سفن حرفك ظننت بأنى سأعود أمنه كـــــ سابق عهدى
    وان النبع الذى يروى عطشنا سيخمد النيران صدرى
    ما كنت ادرى ان نسماتك الشرقيه ستنشلنى منى اليك وانت ادرى بهمسك منى
    فدائما حرفك الى حد الثماله يسكرنى
    واليوم حزف لحن حنين يداعب الحنين الساكن بين حنايا صدرى
    فاشتعلت اوتار شوقى وذادت نيرانها
    أميرى
    يحزننى جدا ان كيليو باترا كانت اشجع منى لانها اختارت الموت عن الحياه بدونك قيصر
    ولكن ما يواسينى انى حفيده ايزيس ورثت عنها الوفاء
    سارت على اشلائها ودموعها لتعيد الامان لحبيبها
    وانا اسير على اشلائى ودموعى للحظه رضا تغمرنى بها
    حقا تعلمت ان الموت بقربك حياه والحياه بدونك موت
    وكم دعوت ربى باخلاص وصدق ان يمنحنى القوة لاكتشاف قانون جاذبيه جديد
    قادر على انتزاعى من عالمى واسكانى بين ضلوعك وبعد ذلك انساه وينسانى
    وليالى تمنيت ان اكون ملكه ليوم لاغير قوانيننا الشرقيه
    وانزع لقبى وانتسب اليك وبعد ذلك اعود كما كنت
    يعلم ربى كم اهواك ويشهد ان مافى قلبى سواك
    حد الجنون
    ثلاثه ياصعيدى

    ردحذف
  4. جميلة :)
    مشاعر حلوة :)

    ردحذف
  5. الله الله
    ايوه كده
    يارب تبقا ايامنا كلها سعاده وحب يااارب
    جميل اوووى كلام حضرتك
    واحساسك جميل
    ومشاعرك رقيقه
    فى التميز دائما

    ردحذف
  6. استاذ احمد وحشتنى كلماتك
    يعنقنى بيها الامل والحب
    بوركت اخى

    ردحذف
  7. "
    إبدري في عمري الأمان

    وافتحي للشمس بابك

    وامسحي م الكون ضبابك "

    حلوه اووى كلماتك ...

    أشعر دوماً أن الحب احساس بالامان ... وان لم يتواجد الامان فى الحب

    اصبح كله عذاب

    "
    إبدري في عمري الأمان "

    عجبانى اوى (:

    دمت بخير (:

    ردحذف
  8. جميل شعر العاميه بتاعك

    دمت مبدعا :)

    ردحذف

مرحبا بكم دائما