السبت، 20 مارس 2010

قلب وليد


البدن يرجع لأصله


طين وماء


يكره الكدب


ويرفض أشكال النفاق


يحضن الناس الطيبين


ويزرع الخير في السنين


تحت لافتات الحياء


يسكن أعالي القصور


اللي في حلمه بانيها


يفرش حواري البلاد


ويسكن حواشيها


يا شمس يا منورة


افردي هلاهيلك


جايلك صبي طاهر


م المر يشكيلك


كفكفي دموعه الصغار


هاتي مناديلك


واعملي من أحزانه


عنقود يملا خلاخيلك


وازرعي في حياته الحب


لا يعرف طريق الأذي


ولا في يوم هيطب


اسقي عمره الوليد


خلي شبابه يشب


نسيه وهم الخدود


والقوام والعود


والحلم اللي مش موجود


وأمانة عليكي يا شمس


ودي الخبر لفلان


وقوليله فلان اللي حبك


بيسلم عليك يا فلان


ولو فلان نكرني


ونسي عهده


قوليله يا شمس


هأرتاح أنا في بعده


وشبابي مش هيضيع


ولا هأنتهي بعده

هناك 6 تعليقات:

  1. ما شاء الله

    انت بجد شاعر موهوب
    اتمنى قريب القيك مجمع كل شعرك فى ديوان

    وبجد هكون اول وحده بقرأة

    تحياتى لشعرك وقلمك وشخصك الكلريم

    ردحذف
  2. جميله اوى اوى القصيده

    ما شاء الله عليك

    جميله كاسلوب ومضمون كمان


    تحياتى ليك

    ردحذف
  3. جميله اوى

    مش لاقيه كلام اقولو بصراحه
    بس تسلم موهبتك بجد


    تحياتى

    ردحذف
  4. يا شمس يا منورة
    افردي هلاهيلك

    جايلك صبي طاهر
    م المر يشكيلك
    جميل قوى المعنى دا يا أبو حميد تسلم إيديك
    وأوعدك أكون التانى بعد إمرأه من تلج على طول

    ردحذف
  5. ان ننسى من أحببناه وانكر عهدنا هو أمر صعب لكن بالتأكيد ولله الحمد ليس مستحيل
    ادعوك للاطلاع في تدوينتي الاخيرة على نوع أخر من الشعر
    دمت بكل الود

    ردحذف

مرحبا بكم دائما