الاثنين، 21 سبتمبر 2009

هكذا قال المغني


صالحت بــــيك أيامي

سامحت بـــيك الزمن

نسيتني بـــــيك ألامي

ونسيت معاك الشجن

*****

هكذا قال المغنــي

وكأنه ساعتها كان

بيـــــغني عنــــــي

غنــي ويايا بدونـي

صوته ناطق مــن ظنوني

ضحكته با ينه في عيونـي

كان يغنيلي قبل ما يغنـي لشبابه

وكل مـــــــا يبصلي ينسي عذابه

الحب كان حلمنا ..نحضن ترابـه

وياما إتمرغنا فـــــــي خيره

وكتير لعنا أبــــــو اللي جابه

كان العمر بيبتدي يدوب لسه

والذكريات المـــــرة كانت علي نفسي كابسة

وأقول ياواد إمتي ينتهي عـــــــــذاب الحبايب

إمتي تنسي؟

أه أه .. كنت أقـــــــــول الأه تطلـــع ألــف أه

والناس تقول يا عيني ع الصبي تاهت خطاه

فاقد حياته ودنيته .. فاقد صباه

طلعـت الناس النهاردة ع الجدار

لقيوني جنبـــي حبيبتـــي .. وجنبــي الجيتـار

روحـــي معايا ودنيتـــي مش شايــف أي حد

حتي مش شايف النهار

الشمس فـــوق راسي

والأرض فــــي مداسي

وبيـــن ايـــديا الحــــب

ومعــــــايا حـــــــراسي

لــــو أحتاج لكلمة حـب

في كفي قلمي .. ويميني كـــــــــراسي

وعرفت فين ساسي وفين كمان راسي

*****

دار الــــزمان ع الحب ينـــــده لأحبـــابه

يفتح شوارعه جناين ويـــوسع أبوابــــــه

تفرح بينـــا الـــديار ويغنــــي أصحـــابه

مهما جفـــــانا الحب وداس علــــي قلوبنا

معروف بأنه ياناس مـــا يخونش أحبابـه

هناك 40 تعليقًا:

  1. التعليق الأول لمحجوووووووووووووووووز

    لفريدة قلبي

    ردحذف
  2. وكمان تعليق تاني علشان خاطر كل اللي ممكن يزعل ان فريدة التعليق الاول

    بس أعذروني دي ليها وده حقها

    ردحذف
  3. مممممممممممممممم


    ماشى وانا ش هزعل

    ردحذف
  4. عااااااااااااااااااااااا

    ماشى يافريده انتى الكوم الكبير اهووووووووووووو

    واحنا بقا مالناش لاذمه

    مش عارفه طبع الصاعيده غريب شويه

    هيييييييييييييييييييييييييييييييييه

    انا اول تعليق ياجدعااااااااااااااااان

    ردحذف
  5. ازيك ياصعيدى اخبارك ايه
    عملت ايه فى العيد فرقعة بمب ولا ايه
    ولبست الطقم الجديد
    وعيدت على فريده

    هههههههههههههههههههه

    قر واعترف
    واخبار الحاجه ايه

    كله تمام طب الحمد لله ربنا يطمنا عليهم يارب وعليك

    ردحذف
  6. صالحت بــــيك أيامي
    سامحت بـــيك الزمن
    نسيتني بـــــيك ألامي
    ونسيت معاك الشجن
    تعرف انا بعشق المقطع ده قووى بتاع الست ام كلثوم بجد هايل قووووووووى

    ردحذف
  7. يااااااااااااااااااه احساس فى غايه الروعه يا احمد تعرف بجد كلمات بمنتهى البساطه

    ومش متجمله خالص وربنا زى العسل تسلم ايديك يا كبيررررررررررررررر
    فى تقدم مستمر
    ربنا يحفظك يارب ويصونك
    وكل سنه وانت بالف صحه وسعاده وربنا يديم عليك نعمة الحب ويهنيك انت وفريده ونسمع اخبار كويسه عنكم

    ربنا يسعدك
    مودتى
    ايناس

    ردحذف
  8. طيب ممكن اخد التالت بعد انووووووس المحتل للمدونات

    ردحذف
  9. أه أه .. كنت أقـــــــــول الأه تطلـــع ألــف أه
    والناس تقول يا عيني ع الصبي تاهت خطاه
    فاقد حياته ودنيته .. فاقد صباه
    طلعـت الناس النهاردة ع الجدار
    لقيوني جنبـــي حبيبتـــي .. وجنبــي الجيتـار
    روحـــي معايا ودنيتـــي مش شايــف أي حد
    حتي مش شايف النهار
    الشمس فـــوق راسي
    والأرض فــــي مداسي
    وبيـــن ايـــديا الحــــب
    ومعــــــايا حـــــــراسي


    ربنا يسعد قلبك يا شاااااعر وتمتعنا دايما باحساسك الراقى وكلاماتك العذبه التى تعطينا امل انه مازال هناك شىء له بريق اسمه الحب!!!

    ردحذف
  10. استاذ احمد

    رائع بجد

    كل سنه وانت طيب ياأستاذي

    وعيد سعيد عليك

    ^_^

    ردحذف
  11. بلد بتاعه شهادات صحيح

    هههههههههههههههههههههه

    طيب ماتحجزلى البوست الجاى ينوبك فيا ثواب

    واهو كله لله

    وحجز قليل يمنع بلاوى كتيره

    ايه شغل الشحاته دا

    ههههههههههههههه

    ما علينا

    البوست رائع يا صعيدى

    تسلم ايدك

    حنوووونه

    ردحذف
  12. تؤتؤتؤ

    في حاجه كبيره غلط

    ؟؟؟؟؟؟؟؟؟؟؟؟؟؟؟؟؟؟

    محتاجه تفسير

    تفاحه

    ردحذف
  13. محبناش نطول علييك اهه

    علفكرة البوست الجديد نزل

    اكيد مستنية رأيك

    ردحذف
  14. بس ايه الكلام الجميل دا

    سلمت يداكى

    بس اكيد ممتاز الكعادة

    تحياتى لك

    ردحذف
  15. كده تفاحه فهمت

    مش لازم اقتنعت


    بس كفايه سمعت

    وهى برضه زعلانه

    بش مش هتسالها ليه

    اوك ؟

    والكلام طبعا معروف رايها فيه

    تفاحه

    ردحذف
  16. كل سنه و انت طيب

    و كلماتك دائما تنبض باحاسيس جميله
    و يبدو انها ليست كلمات من خيال شاعر و لكنها نبت حالة و اقعة و ةمتمكنه

    انصحك باستغلال هذا اليقين بتسجيله في قصائد و ازجال مبدعه كمان عودتنا

    تحياتي

    ردحذف
  17. أزال أحد مشرفي المدونة هذا التعليق.

    ردحذف
  18. كلمات رقيقه جدا .... ورومانسيه للغايه

    حلو الاحساس ده .... دمت لها حبيبا مخلصا ودامت لك سكن لقلبك

    تحياتي

    ردحذف
  19. السلام عليكم

    ايه الحجات الحلوة دى

    كلمات منتهى الروعه وخفيفه كمان

    تسلم ايديك يا شاعر

    بعدين مين ده اللى يزعل ان فريده

    التعليق الاول

    دى لازم تكون الاول والتانى والمليون

    ربنا يتم عليكم نعمته ويجمع بينكم

    على خير يارب

    ردحذف
  20. تفاحه لسه زعلانه

    ردحذف
  21. كل عام وانت طيب يا صعيدى
    اتاخرت عليك فى المعايده
    اه صحيح العيديه فين

    ردحذف
  22. كل سنه وانت طيب

    الف الف شكر لسؤال عنى الدائم
    وصداقتك بعتز بيها جدا وتشرفنى

    وربنا يديم الصداقه ويديم المعروف

    كل سنه وانت طيب وربنا يعيد عليك الايام بخير

    وكل سنه اسعد من اللى راحت

    ردحذف
  23. جميل اوى


    رائع تسلم اديك

    عيد سعيد

    ردحذف
  24. جميل اوى


    رائع تسلم اديك

    عيد سعيد

    ردحذف
  25. تفاحه هتموتك قريييييييب

    عاااااااااا

    ردحذف
  26. نوسة

    ماله طبع الصعايدة دول ناس طيبين
    عموما يا ستي أنا في العيد رحت المراجيح وفجرت قنابل وضربت نار ماتوا اتنين تلاتة بالغلط معلش بقا ربنا يسامحني

    ولو عندك إعتراض علي طبع الصعايدة قولي وإحنا نبعتلك لوري مليانة بني أدمين عندهم استعداد يفجروا نفسهم في كل الزرع اللي عندكو
    أمال إيه
    إحنا ناس واعرين موووووووووووووووووت
    ههههههههههههههههههه

    ردحذف
  27. السلام عليكم
    أشكرك يا صديقى على زيارتك الكريمة وسؤالك عنى والذى أعتز به
    وكل عام وأنت إلى الله أقرب
    إحساسك أكثر من رائع
    وأحييك على إختيارك للكلمات
    وبارك الله لكما وجمعكما فى خير
    تقبل مرورى

    ردحذف
  28. promise is promise

    يافندم حضرتك اتفضلي اختاري المكان اللي يناسبك

    نورتيني

    ردحذف
  29. flower girl

    كل سنة وانتي طيبة
    ومتشكر جدا للمجاملة الرقيقة دي

    مرحب بيكي دايما

    ردحذف
  30. حنين

    هههههههههههه

    أعمل ايه
    شهادتها عالية
    واخة امتياز

    اعتبيري التعليق الاول في القصيدة الجديدة ليكي

    شرفتيني

    ردحذف
  31. تفاحة

    ايه الغلط بس
    وبعدين بلاش تؤتؤ

    بلسانك الي عاييز قطعه ده
    ياقصيرة
    هههههه

    يامرحب بيكي دايما

    انتي واسطتك فريدة ما أقدرش اتكلم

    ردحذف
  32. دموع القمر

    يادي الداهية السودة ياناس
    معقول دخلتي المدونةكذا مرة وفاكراني واحدة
    ياخرابي
    أمال أحمد الصعيدي اللي في الوش ده عامل زي السبورة بيعمل ايه

    عموما اهلا بيكي

    ردحذف
  33. تفاحة

    انتي ولا فاهمة أي حاجة
    هههههههه

    ردحذف
  34. أحوال الهوي

    أستاذنا الكبير

    معقول يا أستاذ إحنا من بعدك دايما

    شكرا لمرور حضرتك
    و
    كل سنة وانت طيب

    ردحذف
  35. فتاة من الصعيد

    شكرا لمرورك
    المهم انك تفكري في التدوين من جديد
    وأي حاجة ممكن أساعدك فيها أنا مش هتأخر

    كل سنة وانتي طيبة

    ردحذف
  36. ليس فقيرا

    شكرا لذوقك أما فريدة مخها أكبر من إنها تزعل

    أمال صعيدية بقا

    ردحذف
  37. osama

    كل سنة وانت طيب يا باشا
    والعيدية اتفضل حضرتك علي بنك الدم هتلاقي عصير قصب ماتشربش منه ..قديم
    هههههههههههه

    ردحذف
  38. صفاء

    مرحب بيكي
    عاش مين شافك

    وأنا كمان تشرفي صداقتك الكل هنا يعرفك بالاحترام وقلمك الادبي المميز

    ردحذف
  39. ريمان
    ألف سلامة عليكي
    وكل سنة وانتي طيبة
    ربنا يعافيكي ويعفو عنك

    ردحذف
  40. اللؤلؤة

    أخي الكبير
    مرحبا بمرورك
    وأدام الله لنا الود والاحترام
    ويعلم الله كم أنت عزيز عليا

    أسعدك الله

    ردحذف

مرحبا بكم دائما