الجمعة، 18 سبتمبر، 2009

شروق وغروب ورسالة موجهة


مـــنين أجيب نــــاس

لمعناة الكـــلام يتلوه

إذا كنت بأجي أقوله

نص عـــقلي... يتوه

صــــعيدي دخـــل الغيـــطان

يقطفله تفاحة

صـــرخت فــــروع الشـــجر

يـــا صـــــعيدي بالــــــراحة

قلتلها.... ..أنـــــا المــــقصود

بصتلي....... كـــــدة شـــوية

يـــــــا أبـــــو الـــقليب طيب

أحضــــــني........ بحـــــنية

يــــا تــــــفاحة لــــما تحكمي

مـــــا تحــــــكميش فــــــــيا

أنا صــــــــــــــــعيدي جدع

أفــــــــديكي....... بــــــعنيا

لكن دمـي في عروقي حامي

وعــــد ومكتوب عليا

وزي ماخيرك سـقاني

أصـــله يـــعود لــــيا

تـــفاحة يـــا بنت الــعز

عــــمري مــا بأستقوي

رغـــــــم كـــل ســـنين

الســهرالسهد والنجوي

لسة عــندي حبة أخلاق

وشوية..... مـن التقوي

هناك 14 تعليقًا:

فريدة يقول...

أووووووول تعليق عند الاستاذ أحمد خطيبي

فريدة يقول...

السلام عليكم ورحمة الله

أحمد أنت مش محتاج تبين للناس شخصيتك أو أخلاقك
لكن يا تري الرسايل دي لمين ومين التفاحة اللي عضتك دي
هههههههههههههه

كل سنة وأنت طيب

فريدة يقول...

وكمان تعليق تالت للي أحمد كاتبله القصيده

أحذرك الراجل ده صعيدي وشِرس أنت حر أبعد عنه مش بيحب يسيب حقه
هههههه

Mr.Hazem يقول...

هههههههههههه طيييب يا دبدوبة

عموماً انا لأول مرة بحياتي بفوت على مدونة وبكون انا فيها تاني تعليق ههههههه
دايما بلاقي حالي تحت عالااااااااااااخر
يعني من المغضوب عليهم
وبيشرفني اكون هون اليوم واقف تاني واحد عالطابور
وانا أهنئ زميلي المحامي الصعيدي أبو حميد
كل عام وانت بخير يا مدير
وربنا يتقبل منك صااالح الاعممال
واسمحلي استغل هالتعليق كمان هههههه
بهنئ جميع المدونات ممثلة باصحابها وبقولهم كل عام وانتم بخير
وبدعوهم لزيارة مدونتي بحكم انه جديد على الساحه انا وما عندي اصدقاء كتير ههههه

يسلموا ابو حميد لسعة صدرك
بدك تتحملني غصب عنك هههههههههه
يا سيدي اعتبرها عيدية منك ليا

احلى شباب موفق ياااااارب

عاشقة الأحزان يقول...

السلام عليكم

ازيك يا احمد مالك مين اللى زعلك كده

متزعلش بجد كلنا ما نقدرش على زعلك
ولو حد زعلك وكل ربنا وهو منتقم جبار قادر على كل شىء
ربنا يطمنا عليك وكل سنه وحضرتك طيب انت واسرتك والامه الاسلاميه وربنا يسعد ايامك

انت مش بتزورنى ليه منتظراك ياقمر
خلى بالك من نفسك
لا اله الا الله

fL0weR-giRL يقول...

السلام عليكم
*************

مش عارفه اقول ايه بس انت دائما مبدع في كتاباتك

وبالنسبه للتفاحه اللي عضتك عضها انت كمان


** تقبل مروري **

Pink Dreams يقول...

كل سنه وانت طيب يا احمد

عيد سعيد

دمت مبدع

تحياتى

osama44 اسامه 44 يقول...

صعيدى على حق
جامده يا ابو حميد الله ينور عليك

promise is promise يقول...

معقول ده الصعيدى اللى كتب قبل كده فى فلسفه النساء
تجرحه تفاحه

بس عجبنى اعتزازك بكون صعيدى وكويس انك عارف ان الاخلاق بقيت عمله نادره فى الزمن ده والله التفاحه غلطانه


دمت بكل خير وكل سنه وحضرتك طيب
والسلام ختام

بحــ * الحــيـــاة * ـــر يقول...

احترس السائق صعيدى

قصدى احترس الكاتب صعيدى

هههههههههه


كل سنه وانت طيب وعيد سعيد عليك وعلى كل البشر دى كلها

وحلو اوى البوست ده
وانت اصلا ابو الاخلاق وكل التقوى

بس الصوره جامده الصراحه


تحياتى حبيبه

عاشقة حبيبتى يقول...

مساء الفل

ياصعيدى براحة يا ابو قلب طيب احضنى بحنية

كلامك حلو وجامد بس حد زعلك متهيالى لا

يارب تكون بخير تحياتى
عيد سعيد

7annen يقول...

احمد الصعيدى

كلامك حلو اوى

واخلاقك باينه انك انسان محترم جدا

ربنا يكرمك يارب

كل سنه وانت طيب

حنين

أم مالك يقول...

ازيك يااحمد عامل ايه
جاية اعيد عليك واقولك
كل سنة وانت طيب
وعيد مبارك عليك وباذن الله
السنة الجاية محقق كل امانيك
تحياتى

زيان وزيري يقول...

جميله و حلوه و دافيه
بس الاسم يستني شويه
الشمس لما بتشرق بتستني و رسالتك غروبها ناقصله حبه بس من غير توجيه

محبتي