الاثنين، 25 مايو، 2009

الفنان


يأتيني الشعر كسرب حمام

وضفائر بنت .. بغير يدين

يزرع ألاف الأشجار

ويجري الماء علي الأنهار

وينزع أشواك الدهر

ويغرس ما يغرس من أزهار

ويشيد وطنك في العينين

ويضئ الحب كسوسنة

بين الشفتين

يبني بيتا فوق الغيم

ويرسم قمرا قرب الشمس

ويتوجني ملكا للأثنين

وأنا لا أملك إلا الحب

ووجه مقسوم نصفين

وجه يخرج من صمت الأحزان

مرسوم فيه علي الجدران

حامل عشق إسطوري

ووردة حب بين يدي

وبعض من شجر النسيان

يسأل عني أمراء الإنس

وبعض ملوك الجان

من هذا العاشق

الخارج من رحم الأحزان

الأتي من خلف القضبان

الزارع ذاك الحب

بمختلف الألوان

يدرس تعاليم الحب

هنا وهناك

وفي كل الأوطان

من هذا الطفل الخارج

من بين سطور العشق

ومن عبق البستان

ويتلاشي الحلم ويتلاشي

خلف الحلم صمود الشفتان

وحين تبصر عيني النور

وأجد بجواري قصري المهجور

أوقن أن الحب كلام

وألا حب ينبض في قلب الإنسان

وأرجع مكسور الجدران

مفقود الأوطان

أحمل سكينا بين يدي

وبعض من صورة فنان

هناك 38 تعليقًا:

همسة يقول...

ما شاء الله كلمات جميلة بس ليا تعليق صغير

وأجد بجواري قصري المهجور
أوقن أن الحب كلام
وألا حب ينبض في قلب الإنسان
فأنا لا أتفق معك فى هذة النقطة فالحب ليس بكلام فالحب مشاعر صادقة
ودائما يوجد حب ينبض بداخل قلب الانسان مهما يحدث .
تحياتى

ريمان يقول...

احقا ما قرات؟


ام هذا خيال؟


رائع رائع


بسم الله ما شاء الله

انا كده بقى هسيب التدوين

المفروض بجد ما دام فى حد بيكتب بالجمال
ده

شجر الليمون يقول...

همسة
يا عزيزتي عودتني التجربة دائما أن أكتب واقع بالفعل
فالحب مالم يصحبه تضحية تفجر عادات الشرق فهو كلام في كلام
وانظري حولك في صديقاتك أو صديقات صديقاتك
أحلي ما في الحب هو التواصل فهو ليس لحظات أعيشها كي تقتلني ليس هذا هو الحب
دعي الأيام يا عزيزتي تعلمك ما معناه الحقيقي وأتمني مارأيت لك عذابا قط

مرحبا بمرورك وانتقادك العذب

شجر الليمون يقول...

ريمان

حقا ما قرأتي
فهو ليس بالخبال
ربما رائع
والأروع كلماتك
لا تقولي ماليس فيا
انتي عايزاني اسي التدوين ولا ايه

شجر الليمون يقول...

عبق أنثي
تعليقك بمثابة الانتقاد المثمر
ولكن يا سيدتي دخلت مدونتك ولم أستطع التعليق لا أعلم لماذا

dodo يقول...

السلام عليكم
ايه يا استاذ احمد الكلام الجميل ده
كلماتك رقيقه وتدخل القلب
ربنا يوفقك

شجر الليمون يقول...

dodo
بركة اللي شفناكي يا ست دودو
يلا عموما نورتي المدونة ومش تغيبي بالشكل ده
انتي مش عارفة انك عضو عامل في المدونة دي ولا ايه
شكلرا لمرورك

dodo يقول...

انت اللى فينك يا استاذ انت اخر مره قولت لى انك بتودع التدوين وبعدها النت وقع ومش عرفت ادخل غير دلوقتى واسفه على تاخيرى

الأمير يقول...

بسم الله ....

السلام عليكم

ممكن تسمح حضرتك لينا اننا نستخدم مدونتكم الرائعه كمرجع فى كتاباتنا؟؟

بجد ولا اروع .. كلام جميل جداا

اما عن الحب اللى فى القلب

فغلا القلب لا يخلو من الحب ابدااااااا

مهما كان
حتى ولى واحد فى المليون
المهم ان الحب موجود


--------
وتحياتى لك ..؛؛

الأمير يقول...

كنت عاوز من حضرتك خدمه ويارب ما تكسفنى

وهى

رابط لأغنيه مباشره
تشتغل اتوماتيك زى الى عند حضرتك بالظبط
حتى انا عاوز نفس المشغل

لو هتقدر
رد عليا
وانا اقول لحضرتك اسم المطرب والاغنيه

ويارب ما يكونش فيها اثقال عليك

والسلام عليكم

اللؤلؤة يقول...

حضرة الصعيدى الهمام
السلام عليكم
لا أملك إلا أن أقول لك مـــــــــــــبدع
ما شاء الله ولا قوة إلا بالله


وجه يخرج من صمت الأحزان


مرسوم فيه علي الجدران


حامل عشق إسطوري


ووردة حب بين يدي


وبعض من شجر النسيان


يسأل عني أمراء الإنس


وبعض ملوك الجان


من هذا العاشق


الخارج من رحم الأحزان


الأتي من خلف القضبان

دمت مبدعاً وسلم قلمك

شرين يقول...

السلام عليكم

ازيك يا استاذ احمد كلماتك جميلة جدا بس هو انا حسة ان فيها حزن ولا انا بيتهيالى

من هذا العاشق
الخارج من رحم الأحزان

بجد الكلمات حلوة ومحسوسة اوى

انا نزلت موضوع واعتقد انك هتقول ما قالة مالك فى الخمر ومش هتعلق ياريت اعرف رايك

تحياتى

غير معرف يقول...

السلام عليكم


ايه يازيزو الكلام الجامد ده
ارحمنا شوية من الجو الجميل ده
فكر كويس في اللي قولتلك عليه وانا علي استعداد اتبني الكتاب بالكامل
بس انت قول اه
ماشي يازيزو

ناصر

شجر الليمون يقول...

dodo

حمد الله علي سلامة النت
ان شاء الله ما يفصلش تاني

نورتي
تعليقين كتير عليا في بوست واحد
ههههههه

شجر الليمون يقول...

الامير

اعتبر المدونة بتاعتك وخد منها اللي انت عايزه حضرتك

حاضر انا تحت أمرك الميل بتاعي في ملف التعريف اعمل اضافة وأنا تحت أمرك

شجر الليمون يقول...

اللؤلؤة

شكرا لتواجدك الدائم علي صفحات مدونتي

أعمل ايه بس صعيدي عنده شوية مشاعر بيحاول يكتبها والناس تقول رأيها

أتشرف بيك دائما

شجر الليمون يقول...

شيرين
ازيك يا دكتور
نورتي المدونة
أنا بس بغير الكتابة من فترة لفترة

لو أكتب عن الحب الناس تحسنس أحلي عاشق في الدنيا
ولو أكتب بخزن الناس تقول حزين

شكلي كدة هأكتب عن البلح

هههههههه
شرفتيني

شجر الليمون يقول...

يا عم ناصر

طبعا حضرتك تغيب تغيب وتيجي المدونة براحتك

انسي الموضوع ده
أنا بكتب لنفسي مش محتاج أتصيت كفاية عليا الناس اللي زي العسل اللي بتعلق عندي

عاشقة الأحزان يقول...

السلام عليكم ورحمة الله وبركاته


الله عليك يا احمد
كل مره كده بتتطلع بحاجات جامد يعجز فكرى وقلبى عن التعليق

ربنا يوفقك يارب

ومنتظرين المزيد
دمت بألف خير
تحياتى لحضرتك
انوسه

شجر الليمون يقول...

ناصر
ياد يا معفن أنا علي استعداد أتبني عشرة زيك ..أنا ماأخدتش بالي من كلامك كنت لسه صاحي من النوم
شكرا أنا عارف انك ما تقصدش يا معفن
ههههههههه
بس اللي بيقرأ ممكن يفهم غلط يا معفن
ههههههههه
حلوة الكلمة دي يا معفن
ههههههههههه
هههههههههه

شجر الليمون يقول...

ايناس
اهلا بيكي نورتي المدونة
وتشرفيني دايما

ماء تشرين يقول...

تحفه

بجد

بجد

ملهاش حل

لا لا بجد جميله جدا عجبنى اوى تعبير اتى من رحم الاحزان

لا بجد تحفه جدا خالص

ولكى يعيش الحب ابدا يجب ان ينتهى ومن ثم يسكن الذاكره وهذه هى ابديه الحب

تقبل مرورى

شجر الليمون يقول...

ماء تشرين

أحيانا بيبقي التعليق قوي لدرجة اني اتكسف اني ارد عليه
بس بكون معجب جدا بيه
أتمني اني احوز اعجاب كل المدونين
أصل انتي مش عارفة الحكاية ايه
انا بجمع قصايد علشان انشر كتاب واحد وهو الوحيد اللي هاكتبه وأهديه لانسان عزيز جدا عليا
هههههههه
شرفتيني

رحــــيـل يقول...

احمد

شكرا جدا على متابعتك وتعليقك
عارفه انى مقصرة بس ده لاسباب كتير
انا فعلا متابعه دايما جديدك وبجد بتتنقل من اجمد لاجمد فى كتباتك
بجد يااحمد ربنا يوفقك
تحياتى وتقديرى

شجر الليمون يقول...

رحيل

سارة لك أن تتذكري أني كنت أكتب ولايعلق عندي سوي مدون أو أثنين علي أقصي تقدير وانت واحد منهما أو أنت فقط من يعلق

لا أسباب لك رغم تخميني لها
أسف لن أعلق علي تعليقك هذا رغم احترامي الشديد لك وانتي تعلمين ذلك
ورغم انك في عداد أخت صغيرة ..لكن لن أعلق
لأني دخلت المدونات بخطاكم وقررت أن اتركها لبعدكم واذا استمررت في المدونات فلا عذر لك عن التعليق
او ارحلي يا رحيل حيث لا دخول عندكم ولا ارض لكم عندي
وكم يتقطع قلبي من تلك الكلمات

اعشق فى الليل ضوء القمر يقول...

و الله يا أحمد ثانى مره أقرأ لك وأنبهر و يعجز لسانى عن الوصف وتتصلب أصابعى عن الكتابة
مشاعر قوية جدا
انا كنت عارف حاجة زمان قيل لى لا يكتب بأحاسيس قويه إلا رجل قلبه خاوى من حبيبه معه هل هذا صحيح
ثانيا انا بفكر جدا إنى أغير و أتنازل عن إسمى إليك عاشق إيه بقى ده أنا واقف امام أمير المشاعر
تقبل تقديرى
اعشق فى الليل ضوء القمر

شجر الليمون يقول...

أعشق في الليل ضوء القمر

مرحبا بك في مدونتي

نعم هو قول صحيح فالرجل الذي يحمل العشق بين جنبيه حتي ولو هجره حبيبه يستطيع أن يبدع في الاحساس

بس يا سيدنا خلي اسمي زي ما هو أنت اكيد تملك احاسيس العشق المتوهجة

اعشق فى الليل ضوء القمر يقول...

يا مولانا أنا عبد فقير
ومتخفش قوى كده ان ما بحسد
ممكن قر بس
ههههههههههههههههههههه

شجر الليمون يقول...

الزم أقولك سيدنا
علشان شايف قلبك أبيض ومش بيحب البغض
تبقي سيدي وأي حد قلبه ابيض وبيحب الناس سيدي وتاج راسي
وعلي فكرة قر زي ما انت عايز ايه ياخد الريح من القشاط
هههههههههههههه

Sonnet يقول...

تحياتى للمدونة الجميلة
وخاصة صور اللعب فى البانر تجنن

شجر الليمون يقول...

sonnet

الأجمل تواجدك فيها
مرحبك بك

همسة يقول...

مش عارفة أشكر حضرتك على الشعر اللطيف دا إزاى.جزاكم الله خيرا
بس على فكرة انا مش منار

شجر الليمون يقول...

همسة
ههههههههه
انا عارف بس يعني علشان القافية
تقبلي تجاوزي المحدود
واهلا بمرورك اللطيف

Desert cat يقول...

فعلا تصوير الكلمات ومعناها الجمالى لا يخرج الا من عقل وقلب فنان
تحياتى

شجر الليمون يقول...

desert cat

سا ستي انا بكتب احساس
بس الالقاب أو أسماء القصائد أكبر مني بكتير
بس انا بكتبها كده لجذب الانتباه

ঔღঔ نـــوارة ঔღঔ يقول...

انا جيييييييت

سوري عالتاخير والله غصب من عني

اصلي تعبانة حبتين :(

كلماتك كالعادة بمنتهى الرووووعة

اسلوبك مميز جدا بالكتابة

فنااان وربي

ربي يعطيك الف عافيي

دمت بود

شجر الليمون يقول...

نورتي يا نوارة
ألف سلامة عليكي
ربنا يديكي الصحة
بس ماتتأخريش تاني ..ماشي
هههههه

Esraa Hamed يقول...

رااااائعة حقا
مع اختلافي معك في الجزء الاخير ان الحب كلام
ليس في كل الاحوال
فهناك حب فعل و حب كلام

تصويراتك عن جد رااائعة و اكثر
كعادتك تبهرني كلماتك

دم مبدعا
:))