الأربعاء، 27 مايو، 2009

راعي الغنم





يا شمس غيبي ويا مراكب حلي
بلاد بعيدة
وخاطري في محلي







يا شمس غيبي ويا مراكب حلي
الموج ورايا
وأنا لسه في محلي







يا شمس غيبي ويا مراكب حلي
يومي طويل .. وبيتي مالوش ضلي

يا نجمة عالية
يا خاينة يا ردية
ارحلي من بلادي
يا ميت مالوش دية

كيف ماخرج الحب م القلب
كيف مانبح بأعلي صوته الكلب
كيف ما الشمس عايفة الدرب
وقت العويل .. قلبي بينسي الحب

سبع الرجال يبان من بعيد
يبان من هز العصا في الإيد
الندل يهرب من ساحة المعركة
والسبع قبضته علي عصاته تزيد

اتنين يا عيني دمعتهم سالت
واللي فردهم... واحد تالت
وبكيت عليهم طبلتي قالت
حب الغرايب مركب شراع فالت

علي بحر الديوان
راكب بنحت في أحزاني
القلب فضة .. بينزف دم رماني
الجرح عين..والطبيب لم جاني

عددي ونوحي يا أم الولد



عددي ونوحي
ده وليد صغير
في البر .. مطروحي

علي الله يا وحداني
يارب لم غيرك حدا تاني
خلقتني بإيدك ولا تنساني
انت الدايم يارب وأنا الفاني

هناك 16 تعليقًا:

عاشقة الأحزان يقول...

السلام عليكم
اووووووووووووووووووول تعليق
ههههههههههههههههه
احجز وارجع اكمل

عاشقة الأحزان يقول...

استاذ أحمد
إذيك أخبارك أيه
يارب دايمآ فى تألق
ربا يسعدك يارب
علي الله يا وحداني
يارب لم غيرك حدا تاني
خلقتني بإيدك ولا تنساني
انت الدايم يارب وأنا الفاني
بجد كلماتك جميله قووى
وكمان ذكر الله أعظم شىء بالوجود
تقبل أحترامى الكبير
على صراحتك وتواضعك الكريم
وبجد ربنا يوفقك
إيناس

غير معرف يقول...

صديقي الفاضل
مابين تراث عاميتك وفصاحة فصحاك لسنا بحاجة لأن نذوب أستحلفك بالله رفقا بقوارير الهوي فنحن ذوي مشاعر رقيقة

سلمت يدك يا صديقي

شجر الليمون يقول...

عاشقة الأحزان
أنا الحمد لله كوي وأتمني تكوني بخير دايما إن شاء الله

حبيت أقولك بس إن الكلام ده نابع من أصل المجتمع اللي أنا عايش فيه بس أنا مجرد إني نظمت الكلمات
عندي في الصعيد الستات الكبيرة لما تقعد تتكلم بيبقي حديثها من أمتع ما يمكن وبيتخلله كلام زي اللي أنا كاتبه ده ...يعني ثقافة موروثة مع انهم ما اتعلموش
شكرا لدوام التواصل سيدتي

أميرة علي كوكب مهجور يقول...

أحيانا تأخذنا نوبات الحزن الباردة بعيدا عن تلك الحياه الصاخبه ولننا نعاود الرقص ع ايقاعها ونتمني التحليق بعيدا وان كان الحلم مستحيل يكفينا شرف الحلم

اللؤلؤة يقول...

صديقى العزيز
السلام عليكم
أسعدنى مرورك الطيب وأشكر لك دوام تواصلك
رائعة وممتعة
وواضح من الألفاظ أنك صعيدى جميل لأنى أحب اللكنة الصعيدية
دمت بكل الخير

dodo يقول...

جميله اوى كلماتك وبتمس كل واحد حب ولسه بيحب او حب وهجره حبيبه كلماتك بتوصف مشاعر الناس باسم الله اسلوبك اجمل ما يكون
وانا كده فهمت اكتر من الموضوع اللى فات بكتيييييييييير
شكرا ليك
دعاء

غروب يقول...

احم احم

اول زياره وان شاء الله مش الاخيره لعده اسباب

اولا لفت الاسم نظرى ( احمد الصعيدي ) وده اسم شخص انا اعرف مش عارفه بقه انت ولا لا

المهم

ثانيا القالب يا فندم كان بتاعتى قبل التغييييير

انت لطشته ولا ايه؟؟؟؟؟؟؟؟

ههههههههههههههههه

ثالثا

بجد الكلمات تستحق وقفه وقرايه

تسلم ايدك

تحايتى

غروب

شجر الليمون يقول...

السلام عليكم
أحم أحم
أولا أنا مش عارف الإسم يمكن فيه غلط
ثانيا القالب ده كلام صعيدي صرف يعني مافيهوش أي حاجة ممكن توحي بإنك ممكن تكتبيه إلا إذا كنتي لطشتيه من أحمد الصعيدي اللي بتقولي عليه ..هههههههه..

ثالثا البوست ده أوله بس معروف عندنا في الصعيد أما الباقي أنا مكمله مابين عديد الصعيد وأحساسي

رابعا مادام بتقولي الكلمات جميل وعجبك يبقي القالب مش بتاعك .. ههههه

عموما علي أي حال شرفتي المدونة وياريت ماتكونش الأخيرة وأتمني التواصل
علي فكرة أنا بس كنت في شات روتانا باسم أحمد الصعيدي غير كدة معرفش حضرتك بتتكلمي علي مين

شجر الليمون يقول...

dodo

شكرا لمرورك علي صفحات المدونة ومتشكرين يا ستس علي المجتملة الرقيقة دي وأتمني ان كل كتاباتي تبسطك

شجر الليمون يقول...

dodo

أسف أصل أنا عندي لدغة ** ههههههه**

شجر الليمون يقول...

أخي اللؤلؤة

مرحبا بتواصلك من جديد

شجر الليمون يقول...

أختي أميرة علي كوكب مهجور

دعي الحزن ولتعلمي أن المقياس في الحب هو مقدار التضحية ولا تتركي احاسيسك لمن لا يستحق

شجر الليمون يقول...

أخي أو أختي غير معروف شكرا علي ذوق حضرتك بس قوارير معناها ايه ** هههه**

أميرة علي كوكب مهجور يقول...

ميرسي بجد ع الكومنت وبجد كلك ذوق واتمني تتابع مدونتي دايما اوعي تفكروا اني كبيرة في سن انا لسه 20 بس بجد الدنيا حلوة وكل حاجة بخليها ع الله

صفــــــاء يقول...

ياااة
دة كلام قديم مسمعتش وقعه من زمن

يشبه الترانيم
لكن رنته على الأذن
اختيارك فى محله تماما زى عادتك

احترامى وتحياتى لك
.