السبت، 11 يوليو 2009

العصفور



الصمت طبطب علي كفي يواسيني


صوتي إنطفا والدمع ملا عيني


غدر الزمان من هنا لهنا بيرميني


يكفيني حضن حبيبتي .. يكفيني



********


أنا الصعيدي ماشي علي لهيب الجمر


لا بطلت أغني ولا عرفت أمتثل في يوم للأمر


ماشي طريقي معرفش فين رايح


بس الأكيد ...طريقي نهايته القبر



*********


مين ما بين فساقي العاشقين حطلي مطرح


ولبسني توب الأسي..ونزعني م المسرح


أنا عايش كما الميت ..لاواقف ولا مروح


منتوف الريش طاير في الجو بأطوح



*********


سامحني يا قلب إن ضعت من يدي


معرفش مين اللي بياخد الحب ..ومين يدي


اللي حصل معايا مش هو اللي كان بدي


قابل عزاكي ياعين..هدي الدموع هدي



*********


سامحيني يا .. حبيبتي أنا ما أقصدكيش


إنتي عارفة حدود الفرح ..اللي ما يعرفنيش


بإسم كل كبير ..أو طفل ما بيحبيش


تعيش يا حبها وطن ..أنا أموت وهيا تعيش

هناك تعليق واحد:

  1. ماشي طريقي معرفش فين رايح

    بس الاكيد طريقي نهايته القبر


    كلنا نفس الشيء لانعرف الى اين يقودناالطريق لكن نحن نستطيع ان نزرع طريقنا بالورود ولمحات من صور جميله في ذاكرتنا عن مواقف واشخاص مميزين كنا محظوظين اننا التقينا بهم يمكن ان يكون كل ذلك زادا لرحلتنا
    كن متفائلا ولاتيياس...يااحمد..ف.م

    ردحذف

مرحبا بكم دائما