الاثنين، 2 يناير 2012

مليش أحباب


وحشتيني
.
وكل ماأقول أنسي
.
تفكرني الحاجات بيكي
.
تناديني
.
 تهاديني
.
تغنيني
.
لجل أفرح وأغنيكي
.
وأرسم كحل لياليا
.
وشمة صبر لعنيكي
.
حبيبتي
.
وبعدك مليش أحباب
.
لا ليا صديق
.
ولا صاحب
.
ولا عشاق
.
واقفين علي عتبة الباب
.
حبيبتي
.
وبعدك انتي مليش
.
صبحت في دنيتي زاهد
.
بقيت درويش
.
أغنيلك
.
وأدندن في مواويلك
.
وأنادي بأعلي الصوت يا دنيايا
.
متسمعنيش
.
دخلتي إزاي لأيامي
.
سكنتي ازاي في أحلامي
.
متسألينيش
.
كأنك فيا موجودة
.
كأنك ليا مولودة
.
كأن الحب من قبلك
.
مشافهوش حد  
.
بحبك فوق حدود الحد
.
يا دبكة فرح علي صدري
.
بتحيا بين ورود الخد

هناك 20 تعليقًا:

  1. .كأنك فيا موجودة .كأنك ليا مولودة.كأن الحب من قبلك .مشافهوش حد .بحبك فوق حدود الحد.يا دبكة فرح علي صدري .بتحيا بين ورود الخد



    قلت اكون اول تعليق
    رائعه استاذى
    عجبتنى اوى

    فتفوتة سكـــــــــر

    ردحذف
  2. احنا نتفق
    سيب لي العاميه و انت الفصحي خليني اكل عيش جنبك
    ايه الروعه دي اعتبر ده نوع من التحفيز علشان اكتب و احاول ارد عليك
    انا مستسلم ما اقدرش اجاريك فانت الشباب و العنفوان و الموهبة و الحرفيه
    تحياتي

    ردحذف
  3. ياريت ماتسمعش كلام احوال الهوي
    واتحداه ويتحداك

    خالينا نقرا لكم اجمل وارق واروع كلام

    :)

    ردحذف
  4. صبحت في دنيتي زاهد
    .
    بقيت درويش
    .
    أغنيلك
    .
    وأدندن في مواويلك
    .
    وأنادي بأعلي الصوت يا دنيايا
    .
    متسمعنيش
    .


    فيه حاجات ماينفع يتعلق عليها قصيدتك من الحاجات دى :)
    زى مابيقولوا الصمت فى حضرة الجمال جمال

    مشاعر الحب والصدق الخالص اجمل مافيها بساطتها وعذوبة حرفها

    رائع احمد ماخطه قلمك ورائع حرفك وتعودنا خلاص على ابداعك
    سلمت اناملك ايها العاشق :)

    تحياتى وتقديرى

    ردحذف
  5. كأن الحب من قبلك
    .
    مشافهوش حد
    .
    بحبك فوق حدود الحد
    .
    يا دبكة فرح علي صدري
    .
    بتحيا بين ورود الخد
    .....................................

    روعة روعة روعة
    احساسها عالي جداً ربنا يبارك في قلمك ويزيد ابداعك
    لولا

    ردحذف
  6. مش عارفة اقول ايه مبدعة بجد بتدخل القلب وانا بقراها والعقل كمان

    تسلم يا صعيدى


    ايمن عبد الله

    ردحذف
  7. فتفوتة


    الوحي ده مشكلة
    دي اتكتبت في خمس دقايق
    ودلوقتي صدقيني لو حبيت اكتبها مش هأعرف

    ههههههههههه

    منورة يا فتافيت

    ردحذف
  8. أحوال الهوي

    الصديق

    الشاعر

    الأستاذ

    لاتظلم وتر الحرف فانا لن أقوي علي مجابهتك إنما أحاول جاهدا أن أطال بعض من نسائم فيضك

    يا صديقي

    الشكر لك

    ردحذف
  9. شمس النهار

    أختي شمس النهار

    لن تطال حروفي المساواة مع الصديق المخلص

    وأتمني لو أمتعتكم ببعض من إمتاعه

    ردحذف
  10. ليلي


    وانتي عايزاني كمن اعلق اقول ايه علي كلامك الجميل ده

    وصف عاشق أعجبني

    لأنه أخرجني من حالة الشاعر وصدقتِ فيه لأن الحس في الكلمات كان أعلي من مجاراة الشعر

    ردحذف
  11. لولا

    انا بفق معاكي طبعا

    يلا سجلي وابعتي بقا

    ههههههههههه

    نورتيني

    ردحذف
  12. ايمن عبدالله

    شوف يا استاذنا انت تكتب هنا اللي انت عايزه واعتبر المدونة بتاعتك

    إلا حاجة واحدة

    انك توصف نفسك بتاء التأنيث
    هههههههه

    أهلا بيك دايما

    ردحذف
  13. حلوة اوووووووووووى يا صعيدي

    بس فين الاهداء ولا هو كلام ؟؟

    كمان ممكن طلب صغنون

    اعملها شير على البيج عندى على الفيس

    علشان هحب اقراها كتير وانا على الفيس اكتر

    ممكن ؟؟

    ردحذف
  14. ماأكثر مايقال عن العشق والمحبوب والهوى
    ولكن ماقرأت منك عن العشق والجوى...لهومن هذا الداء دوا..أحسنت وأجدت فى كل حرف مما كتبت

    ردحذف
  15. ليه مش ليك احباب
    امال انا روحت فييييييين
    يالهوووووي لتكون اتبريت مني
    ههههههههههه
    جميله
    لو نفعت تتلحن هغنيها
    انا طبعا مش محتاجه استأذن

    ردحذف
  16. وكأن الدنيا من قبلك كانت فاضية
    وغيابك عني كان ضربة قاضية
    وحبك في قلبي لا له مقياس ولا محدود
    ووجودك في حياتي ملاها ازهار وورود
    تعالي هنا جنبي
    حطي راسك على صدري
    واسمعي قلبي التعبان
    يدق فوق الدقة دقتين كمان
    ويغني باسمك باعذب الالحان
    انا عاشق انا صادق انا ولهان

    سيدي كلماتك حركت قلمي
    فبعثر هنا بعضا من حروفه
    تقبل مرور واعجابي الشديد
    لك خالص الود والتقدير

    كن بخير دوما يا رب

    ردحذف
  17. عادى ايه الجديد يعنى أنا متعودة انى بقرأ هنا كلام رائع دايما

    جميلة أوى بجد :)

    ردحذف
  18. دائما أقول .. كيف أجد مكانا وسط معجبيك .. لكى أقول كلمة قالوها .. بالتوفيق والأبداع الدائم ..

    ردحذف
  19. ان بحثنا عن الاحساس فحرفك سيدى منبعه

    وان احتجنا للدفء فبالتأكيد هنا موطنه

    حرفك الوحيد القادر على العزف ببراعه

    على اوتار الروح

    فلو كان اللحن ياسيدى رائع فانت الاروع لانك عازفه

    كلما وطئت اقدامى مملكتك شعرت بانى كاطير

    احلق وارقص رقصه نشوه وفرح على انغامها

    ولاشئ يصاحبنى سوى احرفك

    وقطرات نديه تنبض بها اناملك

    فحروفك تقتحم الروح وتسمو بها

    دون سابق انزار ودون استئذان

    هنا الدفء الاحساس والحنان العطر الانغام

    حروفك موطن لمن لا موطن له

    ونيس وفىى لمن نساة ونيسه

    لن انسى اهداء زهرة نديه لتعطرها اناملك

    كلى هنا

    جايدا العزيزى

    عذرا لدى مشكله فى تسجيل الدخول

    يارائع

    تحياتى

    ردحذف
  20. ما عنديش حاجة اقولها غير ,, عظمة على عظمة يا ريس

    ردحذف

مرحبا بكم دائما