خلاص هأسيبك ولسه دمعي في عنيا
ولو تفتح بيبان الكون حواليا
ولو تزرع ألف زهرة حب
تنور بعطرها لياليا
خلاص هأسيبك
ماعدتش حبيبي ولا هأبقي في يوم حبيك
قلبي اللي كان قرب يموت
لسه بيحلم بالنهار
وضحكة بيضا منورة
زي ضحكات الصغار
ماشي بعيوني الدبلانين
شايل سنيني المجروحين
عريان البدن مجروح الجبين
وانتي عنيكي ياحبيبتي
مش حنينين ولا طيبين
وقلبك من قساوته عب طين
عمره ما ندهلي ولو حتي بسكات
ولا اداني احساس بحب ولا قاللي هات
لملمت زي الليل عضمي علي كتافي
تايه في ليل الشتا حتي القدم حافي
جايلك ياطريق بجسمي النحيف
بألضم خيطي في همي
لا عارف أقول وداع
ولا قادر من الرعشة أسمي
نص ميت .. نص صاحي
بأجهل عيون الناس
وأتوه في أطراف الضواحي
وأرحل مع الكتابة
ما أعرفش طوبة
من شهر بابة
من دون موانع أو إجابة
أنا والحب لعبة
حظها م الاساس خايب
نادر أكون أنا وحبيبتي حبايب
وساعات كتير نكون غرايب
اذا يحضر الحب لحد فينا
تلاقي التاني غايب
كلمات جميلة
ردحذفتسلم عليها
ربنا يوفقك ويكرمك
مع خالص تحياتى
يا خبر ابيض ايه ده
ردحذففيه حد بالقسوه دى لا يا استاذ احمد دى حرام تكون حبيبه اصلا ولا تستهال الكلمه دى
كلماتك حلوووووه جدا
حمدلله على السلامه
ياترى انت العمدة
ردحذفسؤال نفسي تجاوبني عليه
كان من فترة بعيدة مدون اسمه العمدة ومش عارفة راح فين
ياترى انت هو
راائع كالعاده يا شاعر
ردحذفتسلم ايديك ويسلم فنجان الاكسبرسو
يارب تكون بخير
اذا يحضر الحب لحد فينا
ردحذفتلاقي التاني غايب
انها قمة المعاناة الا تلتقي المشاعر ان يكون الحب من طرف واحد انها قمة العذاب والخروج من تلك الدوامة لايكون سهلا ابدا خسائره على المستوى النفسي تكون كبيرة
تسلم على الكلمات الجميلة
تحياتي لك
يعجز اللسان عن الكلام
ردحذفتسلم ايدك
ايه الجمال ده يااحمد حلوه اوى ملايانه احساس جامد والله
ردحذفاقول ايه بس
ردحذفحتى فى القصائد الحزينه واللى مليانه جرح رائع ومبدع
توحفه بجد
تسلم ايديك
مدونتك راااااااااائعة ومفيدة .. اسأل الله لك التوفيق
ردحذفأتمنى منك زيارة مدونتى والتعليق فيها وإبداء رأيك
عرب بس http://arabbas.blogspot.com
بين الحب والكره
ردحذفبين الجروح والسعاده
تتأرجح مشاعرنا
فهي كموج البحر
لا تستقر على حال :)