الاثنين، 20 أبريل، 2009

البلياتشو




سيرك الحياة مـــــــاله زي

ناس بتيجي ونـــاس تروح

واللــــــــي غايب بكرة جاي

اللـــــــــــــــــــه حــــــــــي

*******

ناس بتحيا مـــــن العــــــــــــــــدم

ونــــاس بتنــــساها الســــــــــنين

دنـــــــيا ياما فيها أشرار وطيبين

وكلنا في لحظة الموت مغمضين

*******

دنيا طــــــــــظ فش

معجونة بألف وش

ياه

هو ده تراب الحياة

هو لما ربنا خلق أدم وإصطفاه

كان قالــه... علم ولادك الغش

دنيا والأصيل فيها اندفن

يـــــــعدي بحور وبحور

لا يسد جحور العـــــــفن

ولا يلاقي تمن الكـــــــفن

كان ممكن أعيش ولو في غابة

وأقسم لقــــمتي ويـــــــا الديابة

بس أنــــــا مقدرش أعيش كدة

ورغم اني بلياتشو جاهل

ودة شئ باينله ساهل

لكن صــــــدقوني.....

بأحس انـــــي بطلع....

يا ناس برة هدومي

وبسأل يا تري اللي بيشوفوني

لو مرة يقابلوني ................

في الشــــــارع .. هيعرفوني؟

مش ممكن يعرفوني ...

مش ممكن يفهموني ...

ويقولوا اني بضحكهم لكن دمعي في عيوني

العــــمر ماشي بينا
وكلنا ماشيين وراه

وكل راكب لابد يوم
يوصل أخر مداه

*********
*******
*****
***
*

الأحد، 19 أبريل، 2009

حالة حب


يكون بين القلب والعقل حوار في الحب

ودائما يصحبه التناقض وقلما وجد العكس

وذاك حوار متناقض ما بين عقل وقلب


قلبي


أحضن حبيبتي وأزقطط


وأعمل قال يعني ايه


وأجري وأطير وأتنطط


مين قدي ماأفرحش ليه



عقلي


يا فلب روق وصحصح


حبك ده مش مضمون


مهما حبيبك يحبك


ممكن يا سيدي يخون



قلبي


هس يا حب هس


اوعاك تصرخ بحس


أنا وحبيبي بس


والباقي كله ..




عقلي


حبيبك مهما يسأل


سيبه يبلع زلط


اتقل يا قلب اتقل


حسابك دايما غلط



قلبي


عاين وشوف الكون


أصل الحب الجنون


من غير حبيبي ده


لا ممكن يوم أكون



عقلي


انا أصل الحساب


بالنوتة وبالكتاب


أقسم وأجمع وأطرح


وأبعد عن العذاب




قلبي


يا حاللولي يا حاللولي


حبيبي ليا كلي


مهما يا عقل تقوللي


هأفضل كدة تمللي




وعام من بعد عام


وبعد طول منام



جاني القلب يقوللي


كل كلامك تمام




بس أنا حبيته


وهو ما حبش


ولما ناديته


سمعني ما ردش




ياريتني يا عقل


سمعت كلامك


ويا قلب يا كلب


نسيت أحلامك




بس خلاص


مافيش اخلاص


اللي يحبنا تاني نحبه


واللي يسيبنا وراه بلاص




قلبي معايا أهوا


فيه لسه شوية قوة


واللي يطلب هوانا


لازم يجينا هوا

الجمعة، 17 أبريل، 2009

قتديل الحب








لفيت بلاد أبحث عن الطبيب والأمل






اداني دوا لجرحي يدوب اكتمل






اتفتح الجرح من جديد فيا






دواك خلص يا طبيب .. وإيه العمل




***








انت بعيد يا طبيب عن أرضنا






حتي نجوم السما نسيت كلام حبنا






الحزن بقي مالي المكان يا طبيب






من يوم غيابك ما دقنا طعم الهنا








***



قلبي مجروح أنا من الوجع ينزف






والدنيا مالها طعم .. أنت أكيد تعرف






كنت قنديل الضيا تنور لياليا






وإن هان عليك الحب.. مركبي يحدف








***



الشمس والقمر ضياءهم من شعاع واحد






والخوف في ليل الضلام ..صبح مارد






جريت وراه ...لجل ما أخوفه






لقيته مجروح... أتارينا بنشرب في كاس واحد








***



أنا غياب خلي علمني الملل






كسر همتي وصابتني كمان العلل






الحزن زي الفرح ..الأتنين بطعم المر






كشف طبيب تاني قاللي..معمولك عمل












الثلاثاء، 14 أبريل، 2009

الأحزان الوردية



ماتخطه يميني عار جدا من الإنتماء
لأي بشر إنما هي أحاسيس بكل ألوانها


حديث طواه القلب سنينا


وأمسي بين شفاهي حزينا


وعين الحبيب حين تجافي


كعين... ما رأت قبل طينا


***


حسبي علي شفاه حياري


فها كل سكان دربي سكاري


وألسنة تخارط قلبي الحزين


وقلبي يضج بما فيه نارا

***


أفق يا نديم واطوي الجراح


واشرب بيمناك كأس الملاح


فلا المحبوب لك فيه طب


ولاعود لخل بعد الرواح

***


بعدنا إذ باعدتنا البيوت


ورب قريب بقرب يموت


كنا طيور حين كان هوانا


وبعد صرنا.. ندامي صموت


***


فأنس يا قلب كل ماض وأت


وهات اسقني مر كأسك هات


فما عاش من في الزمان أحب


وما مات من تملكته الأهات

الاثنين، 13 أبريل، 2009

حياتي



نسائم حبي... شرقية

ترش علي الحب... أحلي الندي

كضحكة طفل ... فوق سرير

من الورد يأرجحه المدي

ومثل جميع النجوم ... سرت

إلي عيناك أطلب بعض الهدي

أنا لحبيبتي .. ليداها وعيناها

لشعرها الأسودا

أتري انك تحيا... بدوني

محال... فكلانا لبعض نقطة المبتدا

حياتك مني ..فلولاي لم تكن

شيئا.. ولولاك ماأمسكت قلما بيدا

فيا حبيبي.. يا رفيق الطريق

أنا الرحيق وأنت الشذي

لك روحي وعشقي ودمي

لك أمسي ويومي.. وغدا


الجمعة، 10 أبريل، 2009

اذكروني






اذكروني


لما أنسي الديار


لما يبقي صوتي مستعار


قد ما أغني بصوتي


وأحفر تراب قبري لموتي


وأفقد أدوات الحوار


أخرة الحب إندثار


وشه متلطخ بعار


سكتي مش سكة ساهلة


سكة أشواكها وعار (واعرة)


اذكروني


يوم ما أكتب بإيديا


كل كلمة حب ليها


تجني شوكة حزن ليا


تحفر الحفرة العميقة


وبكل جهدها ترميني هيا



اذكروني


يوم ماتدفني الأيادي


دون ما أصرخ أو أنادي


لما أفارق حبيبتي في معادي


صرختي تسبق لهمسي


خطوتي ترجع لأمسي


علي سنتي أعض ف خوامسي



اذكروني


لما أعداء المحبة يدبحوني


اوعوا تنسوا ضحكتي وتمشوا بدوني


تبذروا في أرضكم الفرحة وتنزعوني


واوعوا تبكوا عليا


انا حابب الموتة ديا


اذكروني


واشكرولي حبيبتي


البلاد اللي سافرتها علشان أرجع حزين


واللي استكترت تسقي لعروقي الحنين


يارب


ماتوريني بلاد تاني


ولا تقربني من العاشقين في أوطاني


نسيني أحزاني


نشف كلام الحب في لساني


خليني أقرا عن الحب بس .. في جورناني


مش أي شئ تاني


أنا فاقد لعنواني


وكاره لكل شئ حلو إنساني


أنا عدو أحضاني

اذكروني


واذكروا فيا حنان الأم


اللي مجبرة ساعة الألم بتضم


واللي بتمحي الهم


الليل ضلام


والألم عاصر


تتعب وتروي الحب


تصبح كل يوم خاسر


ارموا التراب علي جتتي


وغمضوا عينيا


وازرعوا الصبار في أعلي قبة ليا


وابقوا قولوا مات الغبي ابن الغبية


اللي عاش يقول الحب نعمة مش خطية


واذكروني


اذكروني


اذكروني



الأحد، 5 أبريل، 2009

سامبا

يأس وسكوت

أمال تموت

وأحلام كخيوط العنكبوت

لقلبي يد.. ولعيناك صوت

******

مئة ليلة في القمر

نرقص فيها كزخات المطر

شلال حب منهمر

ويلي.. من لقاء منتظر

*****
رحيل بعد اللقاء

طويل طويل ليل الشتاء

ذهب العمرهباء

وانتهينا حين عز اللقاء

*****
جرح القلب أشواك الطريق

وما أنقذ صياد غريق

مراكب تحمل جثمان الرفيق

وسط نجوم لامعات البريق

*****
رعب يملأ قلبها

حنيني يمسح رعبها

لم أدر ما ذنبها

رب إرحم ضعفها

*****
أيها المشجون انسي حيرتك

الليل طويل فأمسح دمعتك

غدر الزمان بنا فتك

إني أحبك... فأغث لهفتك