الأحد، 15 مارس، 2009

الطاووس

علي وزن رباعيات العبقري

صلاح جاهين

تسير تلك القصيدة





أنا الطاووس .... عمري ألف عام


عايش وحيد ودنيتي حولي زحام


لايشفي علتي صمت الكون حواليا


ولاقادر أسكت وقلبي مليان بالكلام


***
كان ممكن رغم قباحة صوتي أغني


وتحت أجمل ريش أملأ العالم تدني


بس يا خسارة كل مايزيد إحترامي لغيري


حضن اللي جوايا يهيني


***
قلبي أيا مجروح ... مالك حزين


هو اللي يزرع جفا قادر يسقيك بالحنين


دموع بتنزف من قلب إنكسر


تفرق عن دموع العين


***
يا نجم يا منور طظ فيك


لا انت عالي فوقي ولا أنا تحت رجليك


ده أنت أخرك تنور بضوئي


وإن إنطفت مصابيحي نوري يولع فيك


********

الخميس، 12 مارس، 2009

عواد



يا صحبتي في الهم
فين عزوتي نتلم

يا عربي يا ابن العم

وطني غريق في الدم

*****

يا جزايري يا فلسطيني

يا سوري يا بحريني

يا كويتي يا سوداني

يا سعودي يا لبناني

ووووووووووو

عراقنا راحت ومش راجعة تاني

وفلسطين قضية نسيتها أحضاني

وأدي السودان الجريح

هيعملوا منه عراق تاني

*****

ياعيني أه يا ليل

يا ليلي أه يا عين

*****

الصوت ده من قلبي والخط ده ليا

لسه بقول وأحكي ودمعي في عنيا

العربي أصله خي

دمه يعز علي

ولو يحبسوني

ولو يقتلوني

ولو لجل المحبة

يفكروا يشنقوني

بحبك يا عربي يا حتة من عنيا

وعارف إن سلاحك

دايما مرفوع عليا

*****

دمك هو دمي

وهمك معجون في همي

ولو يوم دخلت بيتك

لحدودك تئتمني

*****

ويا أمة يا اللي ملكك

خلاص ماعادش ليكي

وشاع الكره فيكي

وعدوك من كتر ضعفك

لكلابه بيشتهيكي

*****

بأستنظرك

رغم كرهي لمنظرك

بأستنظرك

وبدعي ربي ينصرك